O Concello de Zaragoza (PP-Ciudadanos) ha retirau d'a suya web a imachen d'a portalada d'o disco 'O Zaguer Chilo V', editau y autofinanciau por l'Asociación Cultural Nogará, an que en a gravación ha colaborau o Concello a traviés d'o Laboratorio Audiovisual d'o Centro de Historias. A decisión d'eliminar d'a web ista imachen responde a las exichencias d'a formación ultraderechista Vox, que sigue condicionando a politica d'o gubierno municipal.
Seguntes declaracions d'a concellera ultraderechista Carmen Rouco (Vox), "es inadmisible que desde la web del Ayuntamiento se muestre la imagen de una jotera orinando". Y contau asinas, sin contextualizar, que ye o que Rouco pretende, puede sonar dica fiero, de mal gusto. Y ixa ye a suya intención, que as y os zaragozanos se berrolien porque en a web d'o Concello i hai un debuixo d'una jotera pixando.
Manimenos, o que Rouco ignora, u si no l’ignora, l'amaga, que ye pior, ye que ixa ilustración d'a portalada d'o disco 'O Zaguer Chilo V', ye un homenache a un grupo zaragozano, Ixo Rai!, que en l'anyo 2001 publicó o suyo zaguer disco "Con el agua al cuello", an que en a portalada apareixeba una persona pixando, y que, por cierto, torna a os scenarios o proximo día 23 d'abril en o pabellón municipal Principe Felipe.
"¿Esa es la imagen que queremos dar a nuestros jóvenes? ¿Orinar en la calle?", dició a concellera ultraderechista en a rueda de prensa, sin alticamar-se minimament en mirar de barafundiar realidat y expresión artistica en un aparato de demagochia y escasa seriedat politica.
A concellera de Zaragoza en Común, Luisa Broto ha manifestau que "no entendemos cómo el Equipo de Gobierno del alcalde Jorge Azcón está plegándose de una manera tan increíble a estas exigencias que repercuten en el recorte de libertades, y cualquier día nos vamos a encontrar con carteles que prohíban que las madres lactantes amamanten a sus hijos en las calles", asinas mesmo, continaba Broto decindo que "esto es un retroceso y esta es una actitud que no representa a la diversidad que tenemos en Zaragoza".
"Lo que es inadmisible es que el gobierno de Azcón reniegue de sus propios proyectos culturales cada vez que la ultraderecha pía su mojigatería y reaccionarismo. Es inadmisible y un ejemplo más de la censura y autocensura del Gobierno Azcón, en un franco retroceso en las políticas feministas y de igualdad", ha denunciau a concellera de Podemos, Amparo Bella. Dende a formación morada amuestran "todo nuestro apoyo a la ilustradora y defendemos la libertad de expresión".
Por a suya parte, o president de Chunta Aragonesista Zaragoza, Chuaquín Bernal, ha dito: "A libertat artistica y a luenga aragonesa en Zaragoza secuestradas per a ultradreita y l'alcalde lo permite. A libre esprisión, a creyazión artistica y a esfensa d'as nuestras luengas nos definen y nos fan libres". "Todo nuestro apoyo, los devolveremos a su caverna", ha anyadiu.
"Charramos y no reblamos"
Dende l'Asociación Cultural Nogará declaran que ha estau un orgüello contar con l'arte d'Eva Cortés, a ilustradora d'a portalada d'O Zaguer Chilo V' en iste homenache a lo grupo zaragozano Ixo Rai! "Charramos y no reblamos", manifiestan.
🖼️ Ye un argüello contar con l'arte de @evacortesilustr y l'homenache a @ixorai_cada_dia en o disco!
🎶 Nos fan goyo las 20 cancions que fan o disco, los grupos y la luenga que se i fa servir.
Charramos y no reblamos 💪🏼 pic.twitter.com/OxJY2yUQQn— Nogara Religada (@AC_Nogara) April 8, 2022
O disco, que estió presentau en dreito o pasau mes d'octubre en un d'os escenarios d'o Concello de Zaragoza en as "no fiestas" de Pilars, forma parte d'un proyeuto de Nogará que se remonta a l'año 2017 en o cual surtió a iniciativa de fer un disco de cantas en aragonés de grupos d'a escena autual aragonesa, ha abiu de tornar a esplicar l'Asociación Cultural en una "nota aclaratoria" debán de as incorrecions publicadas por cuantos meyos de comunicación. O financiamiento d'O Zaguer Chilo' "se costea por la Asociación Cultural Nogará – Religada. Ésta, a su vez, se autofinancia a través de las cuotas de las personas socias que la integran y de las actividades económicas que realiza", aclareix a nota.
📄 Tos dixamos o manifiesto y aclaración que hemos publicau a conseqüencia d'a retirada d'a portalada d'o disco “O Zaguer Chilo V” en a web de @zaragoza_es a instancia d'uno d'os grupos municipals:https://t.co/KSBskT6yQZ
— Nogara Religada (@AC_Nogara) April 9, 2022
Por a suya parte, a ilustradora Eva Cortés ha respondiu con un contundent filo en Twitter a las enrestidas d'a ultradreita (Vox). "Soy la autora del diseño de 'O Zaguer Chilo V' que queréis censurar. Y no me voy a quedar callada", ha escrito ta anyadir: "Parece que en tiempos de Ixo Rai! éramos más libres que en pleno 2022". Cortés zarra o filo con un tuit en o cual subraya: "Nogará tiene mucho que decir sobre la censura de su disco y nuestra perspectiva sobre la cultura aragonesa, la cual va mucho más allá de las jotas y la Virgen del Pilar". Un tuit en o cual enlaza a "nota aclaratoria" de l'AC Nogará.
Hola @VoxZaragoza, soy la autora del diseño de "O Zaguer Chilo V" que queréis censurar. Y no me voy a quedar callada, así que abro hilo👇:https://t.co/OBXe4h6UgI
— Eva Cortés Ilustra (@evacortesilustr) April 8, 2022
La cuenta 'Ixo Rai! cada Dia', que ubrió poco dimpués d'anunciar-se la tornada d'a banda a los escenarios, ha publicau un tuit d'emparo a Nogará y a la ilustradora Eva Cortés: "Contra la censura y la imposición". Lo tuit va acompanyau d'a etiqueta #joteraorinando, que se ye emplindo de mensaches de refirme.
Contra la censura y la imposición
Siempre con @evacortesilustr y @AC_Nogara #joteraorinando pic.twitter.com/M6bOMDzOss
— Ixo Rai! cada Dia (@ixorai_cada_dia) April 9, 2022
