L’Asociación Cultural Nogara - Religada ye una asociación, naixida de Zaragoza en 1991, que esfiende y amuestra la luenga aragonesa. Nogara esfiende que as personas que charran aragonés puedan tener guarenciaus os mesmos dreitos que as personas que nomás charran castellano. “Ta ello, luitamos totz os diyas por a oficialidat d’a luenga y por a suya normalización en a vida publica: administración, medios de comunicación, amostranza, etc”, sinyalan.
Con Nogará podrás aprender aragonés, on-line u presencial, en a suya escuela, trobar recursos en aragonés, en a suya biblioteca u en a web, fer actividatz charrando en aragonés, socializar fendo servir l’aragonés, u saber totas as noticias relativas a l’aragonés.
Dende la Asociación Cultural Nogará-Religada tamién se ha empentau lo prochecto de «O Zaguer Chilo», un prochecto musical que arrocla a mosicos de esferents estilos cantando en aragonés.
Manimenos, a suya actividat principal ye la de fer clases d’aragonés endrezadas más que más a personas adultas de qualsiquier edat.
“As luengas nomás s’aprenden y perviven charrando-las”, por ixo l’Asociación Cultural Nogara-Religada apuesta por a Socialización d’a luenga dende o primer diya de clase. “Queremos que Nogara no siga simplament una escuela. Queremos que siga un puesto a on que poder vivir a luenga. Por ixo, organizamos toda mena d’actividatz a on que poder fer servir ixa luenga: viaches, charradas, tallers, fiestas, etc… Antimás tenemos biblioteca de consulta y d’ampre ta qui quiera fer-la servir. A nuestra siede y a nuestra asociación siempre ye ubierta a propuestas y a qui quiera emplegar-la ta esfender a luenga”, recalcan.
Programa d’as XXVIII Chornadas d’as luengas d’Aragón
- 18 abril: Presentación d'a Gramatica Basica de l'Aragonés. Estudio de Filología Aragonesa. 18:30. Centro Joaquín Roncal (C / San Braulio, 5, Zaragoza)
- 19 abril: Presentación d'as conclusions d'a investigación "L'aragonés en o rete: presencia e uso". Alejandro Ibáñez Alcázar. 18:30. Centro Joaquín Roncal
- 20 abril: Tener o no tener una variedad estándar, ¿es esa realmente la cuestión? Iraide Ibarretxe-Antuñano. 18:30. Centro Joaquín Roncal
- 21 abril: De Voces de Aragón a Nuevas voces de Aragón: ¿qué ofrece la nueva edición? Brian Mott. 18:30. Centro Joaquín Roncal
- 22 abril: I Trobada d’escalada en aragonés. 17:30 Bulderland (Avda. Navarra, 22, Zaragoza)
- 26 abril: Prochección documental en aragonés “Baztán - Bidasoa”, de Iñaki Atxa. 19:00 Centro de Historias de Zaragoza
