Unatra vegada, por istas calendatas, s’ha celebrau a tradicional ciclonudista, en a suya tretzena edición en Zaragoza, a ciudat que la viyó naixer, decena convocatoria mundial, iste sabado 15. En a capital aragonesa, unas 150 personas han secundau a marcha, que teneba como punto de prencipio a plaza Espanya a las 18.00 horas. Ista marcha yera en o programa d’a XXVI Semana Cultural d’a Madalena. S’ha leyiu o manifiesto y minutos dimpués ha empecipiau a marcha ent’a Facultat d’Economicas a on as participants s’han espullau. A Policía Nacional espanyola no ha permitiu que a marcha, ya espullaus, prencipiase con soniu …
Una marea multicolor prene as carreras en esfensa d'os servicios publicos
A calor d'o diya d'ahiere no fació reblar a unas 5.000 personas que prenoron as carreras zaragozanas en a manifestación convocada por unos 30 colectivos, entre asociacions de vecins, sindicatos, as distintas "mareas" entre atros en esfensa d'os servicios publicos como educación, sanidat u treballo y contra o rescate financiero y os retalles. A manifestación prencipió en Glorieta Sasera, pasadas as siet d'a tardi, hora a la que yera convocada. Ya dende esferents vicos d'a ciudat, a las 18.00-18.30 horas, diversas "mareas" saliban ta acudir t'a manifestación. Chent de todas as edatz ha recorriu as carreras zaragozanas con multiples pancartas …
Nuevo local de l'asociación Nogará-Religada
Ahiere 20 de chinero se fació a devantadera d'o nuevo local de l'asociación cultural Nogará-Religada, que ha cambiau a suya ubicación dimpués de prous anyadas en o conoixiu anterior local d'a carrera Gavín. Dende as 19.00 horas d’a tardi se facioron en o nuevo local situau en a Plaza Asso, a o canto d’o viello, bellas actividatz, como l’actuación d’o dance de Sant Chusé en a plaza, una charradeta sobre a historia d’os locals a on ha estau Nogará dende a suya fundación y chuegos. Amás se paró una chiqueta lifara ta la chent que se i amanó.
Una luenga que no se puede tallar
O mundo de l’aragonés pareixe que nunca no puede estar en calma, siempre en un contino tierratremo. Si no ye per uns, ye per atros. Iste verano pasau conoixemos a o nuevo Gubierno d’Aragón, presidiu por Luisa F. Rudi d’o PP, que en o que importa a las luengas d’Aragón metió a Dolores Serrat como Consellera de Cultura y a un tal Humberto Vadillo como Director Cheneral de Cultura.