Dimpués de vender totas las entradas de pista, y cuasi totas las entradas de grada, d'o concierto especial pa celebrar 30 anyos de mosica de l'11 de chinero en o Teatro d'as Esquinas de Zaragoza, y dimpués de vender tot lo aforo en menos de cinco horas pa o Borina! Festa! Fest!, lo que suposó la suya tornada a los escenarios, Mallacán acaba d'anunciar una nueva cita.
Será lo mierques de 10 de chulio, gratis, en o escenario de A Glera en Sallent de Galligo, dentro d'a programación d'El Mundo en Sallent Festival. "18 anyos dimpués torna a bufar o cierzo en val de Tena. Tos i asperamos!", escribió Mallacán este mierques per la nueit en os suyos rez socials.
18 anyos dimpués torna a bufar o cierzo en val de Tena. Tocaremos en o @mundosallentfestival o venient 10 de chuliol en o escenario de A Glera en Sallent de Galligo.
Tos i asperamos! 🌬️🌬️⛰️⛰️ pic.twitter.com/ZTEgMuuLfo— Mallacán ofizial (@Mallacanofizial) June 26, 2024
El Mundo en Sallent Festival
De forma paralela a Pirineos Sur, se celebra d'o 4 a lo 28 de chulio en o municipio Sallent de Galligo El Mundo en Sallent Festival. Lo mercau multicultural ye l'elemento estrela d'este festival, que tamién ofreix una ofierta "variada y multicultural" de gastronía, y con a mosica y las artes escenicas como protagonistas con actuacions gratuitas d'artistas de tot lo país –Aragón–, d'Europa y Latinoamérica.
Las actuacions d'El Mundo en Sallent Festival se realizan en cuatro escenarios. Lo escenario d'as Escuelas y lo Teatro Sobre Ruedas serán los mas intergeneracionales, y en éls se puede vivir lo circo "como nunca dinantes l'hébanos feito". Los escenarios de Sallent y Formigal acullirán toz los conciertos d'esta edición.
