Tornamos a veyer-nos hue aqui, totas e toz en o mesmo puesto. Estió lo primer mensache que lanzó Mallacán la nueit d'o domingo en os suyos rez socials. Un guiño pa confirmar, este martes a medianoche, l'anuncio definitivo: "Tornaremos como lo cierzo, per zaguer vegata, a bufar!", escribiban en un post chunto a lo cartel d'o concierto que celebrarán lo sabado 11 de chinero de 2025 en o Teatro d'as Esquinas de Zaragoza.
Ver esta publicación en Instagram
La de l'11 de chinero será "una fiesta pa celebrar 30 anyos de musica con convidatas e convidatos especials", añadía Mallacán. Las entradas pa este concierto, d'o cual encara no se conoixen mas detalles que l'horario d'obridura de puertas –20.00 horas– y lo de l'inicio de l'actuación –21.00–, saldrán a la venda este viernes, a las 12.00 horas en a web d'o Teatro d'as Esquinas. "Como deciba Ixo Rai!, 'no te quedes sin entrar", remataba Mallacán.
Yera un secreto a voces que la banda aragonesa tornaría a puyar-se per segunda vegada a un escenario dimpués d'a suya retrobada, dimpués de 12 anyos d'ausencia, celebrau lo pasau 8 de chunyo en o Borina! Festa! Fest!, lo concierto solidario con AraInfo pa celebrar los 14 anyos d'este Diario Libre d'Aragón. Pa ixa cita, estioron muitas las personas que se quedoron sin poder veyer a Mallacán en directo. Y la coseta no podeba quedar asinas. L'abanzoron a la fin d'a suya actuación en Las Armas: "Nos vemos muy pronto, a la vuelta de la esquina". Dito y feito. Somos o cierzo.
"O rudio marchó y o silencio vive astí,
O esprito d'os mons, marcha d'o tuyo corazón.
As uellas son plorando, os muixons ya no cantan,
Te dicen adios.
As parablas que decibas son en o mio esmo,
Con yo morirán"
