Dende Nogara han tornau a aprestar buena cosa d’actividaz pa estos Pilars’23, pa "fer visible la luenga y cultura popular aragonesa, y poder socializar-nos en aragonés". "Queremos que as actividaz en a carrera, mesa informativa y la nuestra seu faigan honra como punto de trobada, pa toda ixa chent en Zaragoza que se comunica en aragonés u quiere fer-lo", explican en una nota de prensa.
Nogara quiere que os Pilars "no tornen a oblidar a luenga historica de Zaragoza, y nian l’encerrinamiento d’o suyo Concello por eliminar-la, ni lo d’o president d’Aragón por obviar la suya existencia, siga sincusa pa tornar a fer uns #PilarsconFolk y en #aragonés, plenos de cultura popular aragonesa".
O puesto trigau ye a Pza Asso, en a puerta d'a suya seu, en o barrio d’a Madalena. Un puesto pa venir con a familia, con ninos, nines y ninas, amigos, chovens u mayors… amás estianyo cruzaremos l’Ebro pa sentir as bandas que han preso parte d’o disco en aragonés “O Zaguer Chilo VI”, editau, como cada anyo, per Nogara.
PROGRAMACIÓN
Miercres 11. 20.30h. Pza Asso. Trobada de Chiflo y Salterio. Pasabilla por as principals carreras d’o Casco Viello y Madalena, pa amostrar-nos os sonius, ritmos y dances d’este tradicional instrumento aragonés.
Viernes 13. 19h. Estación del Norte. O Zaguer Chilo VI. 9 grupos d’o total de bandas que han preso parte en a 6ª edición d’este disco. Disco en o cual l’asociación Nogará arrocla a diferents estilos de musica d’a escena aragonesa, cantando en aragonés, y que este viernes de Pilars ufrirán a: Ixo Rai!, The Magnetophones, Viki and The Wild, Deldesierto, Crebazando Muros, Herizo, Rikmo & Lasko, Varosvan y L'aventadero.
Sabado 14. 18h. Pza Asso. Pasavilla con Gaiters (Firme Sucarrada) + Comparsa de cabezudos de la Antigua Química en os arredols d’o barrio d’a Madalena. Acto reivindicativo y festivo por unos Pilars con folk y por a cultura popular.
Domingo 15. 12h. Pza Asso. Chuegos Tradicionals con as explicacions y demostración de l’asociación Barraires. Acto ludico-instructivo con o que os ninos/as/es y grans podrán meter en practica a suya achilidat con os chuegos tradicionals aragoneses, y aprender encara mas.
Todas estas actividaz serán acompanyadas d’una mesa con información sobre os cursos de Nogará, as zagueras novedaz editorials y la suya actividat como asociación. "Prou que todas ixas actividaz podrán estar acompanyadas de bell gotet y bell mueso en o caso d’a nuestra seu en a Pza. Asso", concluyen.
🎶 Una serie d'actividaz que amás estianyo contarán con o concierto de "O Zaguer Chilo VI" en Estación del Norte📍 pic.twitter.com/jVBKpUHWt1
— Nogara Religada (@AC_Nogara) October 2, 2023
Mas información sobre los Pilars 2023 en este vinclo.
