La organización, conformada por un comité tecnico integrau por personas d’o sector scientifico, tecnico, churidico, ambiental y residents en o Pirineo, ya tien perfilaus y listos totz os elementos d’un evento que acullirá en a seu d’a Comarca d’a Chacetania conferencias y mesas de ponencias sobre las valors d’a natura y biodiversidat d’a Canal Roya, los efectos socioeconomicos d’a suya protección, las posibles figuras d’ixa protección u las interaccions con a ganadería, lo montanyismo u lo cambeo climatico.
Ta que tot isto haya puesto estar una realidat, lo Congreso cuenta con tota una serie d’organizacions que lo promueven y una larga lista d’entidatz colaboradoras ta asegurar lo suyo exito.
Mientres dos días, mas un tercer con visita a la propia Canal Roya, tota una serie de temas arredol d’a protección d’este espacio serán desenrollaus por quasi meyo centenar de personas expertas y de renombre en as diferents materias. Prencipiando por un referente como Eduardo Martínez de Pisón, que ubrirá con a conferencia inaugural ta dar paso a personas referentes en botanica, cheolochía, ganadería, churistas, arqueolochía, montanyismo, climatolochía, guías de montaña, etc., vinidas de diferents rincons d’a cordillera pirenaica en as suyas dos vertients.
Lo Congreso Pirenaico arredol d’a Canal Roya ya ye listo y lo programa completo, con o listau de ponents, con una bio de cada un asinas como un resumen abanzau d’a suya intervención, a relación d’organizacions promotoras y a larga lista de colaboradoras se puede consultar con detalle en a suya web.
Ya tenemos el programa del Congreso Pirenaico Canal Roya que organiza la PDMA.
Del 17 al 19 de abril en Jaca.
En la sede de la Comarca de la Jacetania.
Toda la información en https://t.co/OSLXvkXEk7#congresocanalroya pic.twitter.com/GsDVAenXpx— Plataforma Defensa Montañas Aragón (@PDMAAragon) February 18, 2026
