Se trata d’un acuerdo en o que las dos parts se reconoixen “como dinamizadors y referents en a promoción d’a lengua y cultura aragonesa”, cada una en o suyo ambito d’actuación.
Dende SOA se seguirán publicitando “las actividaz de Nogará entre la suya afiliación, especialment los cursos d’aprendizache de lengua aragonesa”. Tamién se busca concretar una vía de colaboración relacionada “con chuntar fuerzas en as campanyas y accions per lo reconoiximento d’as competencias lingüisticas en educación”, que ye fendo l’Aria d’Ensinyanza de SOA, Y finalment, se plantian charradas, tallers y actuacions conchuntas, en a línea d’a idea cheneral de l’acuerdo: “la promoción de l’aragonés a toz los nibels”.
“Dende la nuestra fundación en 1999 hemos treballau pa dignificar y visibilizar la realidat trilingüe d’Aragón. Lo nuestro sindicalismo va dillá d’as fainas estrictas que tenemos como representants d’a clase traballadera. Cultura y lengua aragonesa forman part d’o nuestro ADN y lo seguirán fendo, velando per la suya promoción y prevando d’acompanyar a las organizacions, que como Nogará, levan tanto tiempo luitando per este fin”, concluyen dende lo SOA/STA.
