Pilars en aragonés con Nogará

Dende Nogará han aprestau buena cosa d’actividatz pa Pilars, pa fer visible la luenga y cultura popular aragonesa, y poder socializar-nos en aragonés. Será en a Plaza Asso, an se meterá mesa informativa acompanyada d’actividatz.

Nogará quiere que "unatro d’os obchectivos historicos de l’asociación, amás de l’ensenyanza d’aragonés, siga mas visible que nunca". Con actividatz en a carrera y mesa informativa que "sirva de punto de trobada, pa toda ixa chent en Zaragoza que se comunica en aragonés u quiere fer-lo".

"Queremos que os Pilars no tornen a oblidar a luenga historica de Zaragoza, y nian l’encerrinamiento d’o suyo Concello por eliminar o folk, ni a falta d’espacios pa la cultura popular aragonesa permitan unos 'Pilars sin Folk", añade Nogará.

O puesto trigau ye a plaza Asso, en a puerta d’a seu d'o Nogará, en o barrio d’a Madalena. Un puesto pa venir con a familia, con ninos y ninas, amigos, chovens u mayors…

Programa

Sabado 8, 11.00-13.00h. Gaiters (Firme Sucarrada), con a colaboración d’a colla de donzainas “Os Chufladors” y miembros de Diaples d’a Uerba. Podremos disfrutar-ie de baralla de Gaitas y Donzainas, amás d’o Canto a la Libertat a las 12.00 horas.

Domingo 9, 11.00-13.00h. Chuegos tradicionals aragoneses, con explicacions en aragonés, competicions amaters y mesmo bell premio. Tot acompanyau de musica y bell gotet.

Martes 11, 19.00-21.00h. Pasavilla con Gaiters (Firme Sucarrada) y comparsa de cabezudos Tierra de Aragón.

Miercres 12, 11.00-13.00h. Vermut pilarenco. Como alternativa a ofrendas de bit a bot sin renunciar a os traches tradicionals. Muesos, gotetz y musica pa o día d’o Pilar.

Chueves 13, 19.00-21.00h. Pinchueves. Si i hai una actividat que ha gozau d’exito entre las alumnas y alumnos de Nogará, y ha contribuyiu a aprender y socializar-se en aragonés, ixa ha estau o Pinchueves. Ista vegada quieren acompañar-lo con musiqueta, bell gotet y DJ Folky, pa contrimostrar que a música folk ye bien viva.


Más información sobre los Pilars 2022 en este enlace.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies