Con Paroletas Wordle! no aturarás pas de chugar en aragonés

Lo nuevo chuego lingüistico que s'ha feito viral en os retz socials y en internet en l'inicio de 2022 ya ye disponible en aragonés.

Lo chuego orichinal estió desenvuelto pa chugar en anglés per l'incheniero Josh Wardle de Reddit, pero rapidament han amaneixiu versions en multitut d'idiomas: castellán, francés, italián, catalán, galego… y agora tamién, en aragonés.

Ha estau un vecino de Ayerbe, natural d'as Cinco Villas, qui ha programado l'aplicación Wordle pa chugar en aragonés a lo nuevo chuego lingüistico que s'ha feito viral en os retz socials y en internet en l'inicio de 2022.

Lo chuego ye totalment gratuito, sin publicidat, fueras d'o logotipo d'o desarrollador, y no requiere d'a instalación de garra software. Tant nomás deberemos acceder a la pachina web, leyer as instruccions de chuego y prencipiar a chugar.

Cómo se chuga a lo Wordle en aragonés?

Lo chuego consiste en endevinar una parola en luenga aragonesa de cinco letras, pa ixo tendremos 6 intentos. Ye sencillo, has d'escribir una parola en aragonés y pretar “PREBAR” pa veyer quantas letras has encertau y si son u no en la suya posición.

Si la caixeta d'a letra se colorea en verda, ye perque la has encertau, ye en a parola y en a posición correcta.

Si la caixeta d'a letra amaneixe en amariello, ye perque ye en a parola, pero no ye en a posición correcta.

Si la caixeta d'a letra s'amuestra en grisa, ye perque no la has encertau y no ye en a parola que has d'endevinar.

A lo contrario que en o chuego orichinal Wordle a lo qual tant nomás se permite chugar una vegada a lo día, en Paroletas Wordle podrás chugar totas las vegadas que quieras. Sin limite.

Sobre l'aplicación Paroletas Wordle

L'aplicación Wordle pa chugar en aragonés ha estau desenvuelta per un informatico que vive y treballa en Ayerbe, en o meyo rural aragonés, desenvolvendo pachinas web y aplicacions pa mobils. Lo suyo prochecto se diz Religada Solucions Informaticas y podetz trobar mas información sobre ell en a suya web.

Pa lo desarrollo de l'aplicación s'ha utilizau la biblioteca de codigo ubierto React con l'obchectivo de facilitar la programación d'aplicacions d'una sola pachina como Wordle.

Desfrutatz d'o chuego!

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies