L'obchectivo d'estas protestas estió denunciar “l'atraco salarial perpetrado per Stellantis y lo ridiclo bonus que la emresa pretende conceder a los treballadors y treballadoras de Vigo y Zaragoza, tot y con haber obteniu uns beneficios netos de cuasi 5.500 millons d'euros, lo dople que en 2019 y 2020, anyos marcaus per la pandemia. En aquellas ocasions, la emresa sí realizó un reparto de paga que osciló entre los 1.500 y los 2.000 euros en o Estau espanyol”, sinyalan los sindicatos.
Manimenos, en este 2024 “tot y con os extraordinarios resultaus economicos, Stellantis chustifica la suya negativa a realizar lo reparto de la paga de beneficios alegando un supuesto fluxo de caixa negativo de menos 6.000 millons d'euros. En respuesta a esta decisión, la emresa ha anunciau de traza discrecional un ‘bonus’ adicional de 600 millons d'euros, que, por el inte, nomás s'aplicará a los centros de Vigo y Zaragoza”, explican dende lo CUT galego y la CGT madrilenya y aragonesa.
“Esta decisión de momento deixa fuera a lo centro de Madrit, lo que suposa una discriminación en tota regla. Ye sorprendent la complicidad d'a resta d'as organizacions sindicals que avalan y desfienden las mentiras patronals”, enfatizan estes sindicatos.
Debant d'esta situación, han convocau “una reunión pa lo proximo 20 de marzo en Madrit”. L'obchectivo d'esta trobada “será analisar la situación y valorar accions conchuntas contra la exclusión d'o centro de Stellantis en Madrit d'o reparto d'este bonus”, asinas como exichir “un reparto chusto y equitativo pa toz los centros, tenendo en cuenta que las plantas de Vigo, Zaragoza y Madrit son d'as mas productivas y eficients d'o grupo Stellantis. Curiosament clama l'atención d'este bonus, que ya no discrimina a los treballadors y treballadoras de IT, y ya cumple con o que estableix la sentencia d'o chudgau de lo social de Vigo”, recalcan.
Comparando con a situación en o Estau francés “los treballadors recibirán un bonus que oscilará entre los 900 y los 1.700 euros, con un promeyo neto de 1.535 euros. En cambio, en Vigo y Zaragoza, las cifras son muito mas baixas: en Zaragoza, lo bonus oscila entre los 400 y los 700 euros, con un promeyo de 445 euros brutos, lo que se traduz en aproximadament 354 euros netos. En o caso de Vigo, la situación ye encara mas alarmant, ya que la empresa, con a complicidat de SIT, UGT y CCOO, ha decidiu escontar 172 euros d'un complemento que ya formaba parte d'o salario. Como resultau, lo bonus queda en un total de 273 euros brutos, aproximadament 217 euros netos”, detallan os sindicatos.
Asinas pues, CUT y CGT denuncian “esta situación d'abuso y discriminación” y reafirman “lo suyo compromiso de luitar per unas condicions salarials chustas y equitativas pa toz los treballadors de Stellantis”, y anuncian que “las mobilizacions y accions conchuntas continarán dica que la empresa cumpla con a suya responsabilidat y reconoixca lo pago de beneficios a los suyos emplegaus de traza chusta y proporcional, que s'analisará en a trobada prevista pa celebrar”.
