Lo prochecto 'Vozes en o cierzo' contina con una serie documental sobre las luengas propias d'Aragón

Lo primer episodio de 'Visions', dirichido per Vicky Calavia, ya ye disponible en a canal de YouTube d'o Gubierno d'Aragón

Un anyo dimpués de l'enguero d'o documental 'Aragonés y catalán, las nuestras luengas', lo prochecto 'Vozes en o zierzo/veus en el cerç/voces en el cierzo' –promoviu per la Dirección Cheneral de Politica Lingüistica d'o Gubierno d'Aragón– contina con una serie documental de 14 episodios sobre l'aragonés y lo catalán. 'Visions', dirichida per Vicky Calavia, s'enguera este martes en a canal de YouTube de Luengas d'Aragón.

En as piezas amaneixen las voces de 16 especialistas, que explican la historia d'as luengas propias d'Aragón a traviés d'os mas de mil anyos que han pasau dende los primers testimonios escritos amaneixius en o sieglo X dica l'actualidat. Chulia Ara, Rosa Arqué, Margarita Celma, Ángel Garcés, Javier Giralt, Toche Menal, Maite Moret, Francho Nagore, Pepa Nogués, Manuel Ramón Campo, Artur Quintana, José Ángel Sánchez, Mario Sasot, Natxo Sorolla, Chesús Vázquez, Ángel Vergara, desgranan los siguients temas: "Zonas d'uso de l'aragonés y lo catalán d'Aragón"; "Formación de l'aragonés y lo catalán d'Aragón"; "Primers textos medievals en aragonés y catalán d'Aragón"; "Guillem Nicolau, lo clérigo de Maella"; "Lo retroceso de l'aragonés y lo catalán d'Aragón"; "Las pastoradas"; "Los primers estudiosos de l'aragonés y lo catalán d'Aragón"; "A Renaxedura"; "La transición y lo movimiento asociativo de l'aragonés y lo catalán d'Aragón"; "La literatura en aragonés y catalán d'Aragón", "L'aragonés y lo catalán d'Aragón, luengas protechidas"; "Situación sociolingüistica de l'aragonés y lo catalán d'Aragón"; "La ensenyanza de l'aragonés y lo catalán d'Aragón"; "La cultura en aragonés y catalán d'Aragón".

Las piezas tienen distinta duración, dende cinco dica 30 menutos, lo que fa un total de mas de dos horas y meya de conteniu. Cada día, la canal de YouTube de Luengas d'Aragón enguerará un nuevo episodio, prencipiando per lo qual explica las zonas d'uso de cadaguna d'as luengas, que puede veyer-se en a canal de YouTube,

Lo prochecto 'Vozes en o zierzo/veus en el cerç/voces en el cierzo' contina lo suyo andadura y en os proximos días se ferá a devantadera en Alcanyiz la exposición itinerant 'Escritoras en aragonés y catalán d'Aragón. Escriptores en aragonés i català d'Aragó. Escritoras en aragonés y catalán d'Aragón', dimpués d'o suyo paso per Zaragoza y Chaca.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies