La miniserie de dibuixos ‘Moñacos’ descubre una nueva forma d'aprender aragonés

Lo primer capitol ya ye disponible en a canal de YouTube de Luengas d'Aragón

Una animación de moñacos que hablan en aragónes
Capitol 1 de 'Moñacos': Presentar-se-se, ya disponible en YouTube

A Dirección Cheneral de Politica Lingüistica ha produciu una miniserie de dibuixos animaus pa aprender nocions basicas d'aragonés d'una traza sencilla y divertida. Con o titol de ‘Moñacos’ (muñecos en castellán), los episodios tractan sobre qüestions basicas pa aprender l'idioma: saludar, despedir-se, presentar-se, las partes d'o cuerpo, la familia, los arbols, los animals u lo tiempo.

Se tracta de diez capitols de poco mas d'un menuto cadagún, con guión y adreza de Silvia Cebolla y Pepo Cabellud, en o qual uns personaches dialogan sobre los temas citaus. Amás, s'ha procurau que cadagún d'os episodios amuestre tamién una variedat territorial d'aragonés, pa familiarizarse con ellas.

Lo director cheneral de Politica Lingüistica d'o Gubierno d'Aragón, José Ignacio López Susín, ha explicau que esta serie suposa “una ferramienta muito util” pa amanar-se a la luenga aragonesa y aprender-la d'una forma amena.

En estes videos, Guayén, Chuan, Ibón, Alodia, Liena, Lizer y Nunilo recorren lo territorio de l'Alto Aragón d'una forma simpatica y introducen a las personas que lo vaigan a veyer en a luenga aragonesa.

Lo primer capitol ye ya disponible en a canal de YouTube de Luengas d'Aragón, en o qual ya i hai alochaus mas de 400 videos en u sobre l'aragonés y lo catalán d'Aragón y que conta con quasi 1.000 condutas y 150.000 visualizacions. Tamién se podrán veyer en a canal de Twitter @CulturaAragon y en a web. La resta de episodios se puyarán diariament.

‘Moñacos’ conta con o patrocinio d'o Ministerio de Cultura y Esporte y forma parte d'un prochecto mas amplio de difusión d'as luengas propias d'Aragón a traviés d'os audiovisuals que irán enguerando-se en as proximas semanas y meses.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies