Arroyuelo ye un lugar imachinario que recibe la orden de despoblar-se. Los habitants acatan lo mandato a la suya especial traza. Se prendrán un tiempo pa fer-lo en o cual, entre atras cosetas, escriben as cronicas d'o lugar. A traviés d'ellas conoixeremos a los suyos peculiars personaches: dende Tomás, lo matematico de letras, dica Rodrigo, lo robot eremita, pasando per Fani Pedales, la criadora de bicicletas u l'extranyo Willy Cabeza de botella chunto a muitos atros vecins y vecinas singulars.
Este ye lo segundo libro en castellán de Carlos G. Esteban, en o cual s'aluenya per completo d'o thriller literario “Hechos de tinta”, con o cual s'engueró en esta luenga y que publicó tamién Imperium Ediciones en 2022. Dimpués d'haber publicau dos libros de fantesía en aragonés (Parola de follet y Parola de diaplerona) y un de suspense (Penchada d'un filo), l'autor se lanza a per la humor, chenero que heba treballau en cualques relatos pero d'o cual no heba plegau a publicar cosa en papel.
“Arroyuelo: orden de despoblación” no pretende pontificar, ni buscar solucions a la despoblación. Tampoco sacralizar ni demonizar la vida rural ni la urbana. Se trata d'una visión divertida y, en ocasions, tierna, d'as vivencias d'os habitants d'una población unica y estrambótica que, de vez, comparten elementos comuns d'a mayoría d'os lugars d'o país.
