Las entidaz organizadoras, Bomboloniar y la Casa d’o Lugar de Alquezra, sinyalan que “se han parato pres en o alox d'a Escuela-refugio de montaña pero cualsiquiera que ameniste alox podrá fer-lo d'a traza que quiera en cualsiquier puesto. Si lo fa en a Escuela-refugio de montaña cal meter-se en contauto con a escuela ta fer a reserba”.
“Si no amenistas alox... ¡puedes azercar-te-ne á cualsiquier autibidá! ¡Que son de baldes! Tos aguardamos!”, recalcan.
Programa d’a II Trobada d’aragonés en Alquezra
Viernes 12:
- 19:30 oras: replega de chent en a Escuela de Montaña e reconoximiento d'o lugar.
- Dimpués se ferá cena en a Escuela Montaña.
Sabado 13 de maitins:
- 10:00 oras: presentación d'a esposición "D'a montaña ta ra radiz" d'a fotera de Balbastro Katerina Buil.
- 12:00 oras: besita en aragonés á "Casa o Medico", enfilata por Carlos Borraz.
- Chenta en a Escuela Montaña.
Sabado 13 de tardis:
- 17:00 oras: charrada enfilata por Chorche Paniello, "De Nabata a Querim, 25 añadas esfendiendo a luenga aragonesa en Monzón".
- Dimpués, presentación d'o libro "Soberbio Sobrarbe" feita por o suyo autor Chabier Lozano.
- Antis d'a cena a colla Chundarata! (colla mosical con siede en o Zentro Aragonés de Barcelona) ferá una charrada sobre mosica aragonesa.
- Cena en a Escuela de montaña.
Domingo 14 de maitins:
- 09:30 oras: gambadeta (3,69 km, 1 ora alto u baxo) en Adauesca. Rafel Vidaller mos charrará d'a bechetazión semontanesa e besitaremos a ermita de Trebiño remerando "A Lueca" de Chuana Conscujuela. Si un caso en bienes no más ta ra gambadeta, mos trobaremos á ista ora en o parking d'o canto d'a escuela CRA Vero-Alcanadre. Si un caso t'agana chentar iste día en a Escuela de Montaña... remera fer a reserba! E traye buen calzero!
- 11:00 oras: icnitas d'Abiego. Besita d'as pisadetas fósils enfilata por os nuestros guías d'o mon, Pau Arbués e Rafel Vidaller, que mos aduyarán á comprender o entorno cheolochico e natural d'as icnitas.
- Dimpués, besita guiata d'a ilesia de Santa María ra Mayor d'Abiego, enfilata por Chusé Loís Conte.
- Tornaremos ta ra Escuela de montaña d'Alquezra ta rematar a trobada de Bombolons con a zaguera chenta.
