Dende CCOO Ensenyanza Aragón se creye que ye necesario “meter en valura l’aragonés e l’asturianu, antimás d’estudiar as midas que s’están desembolicando ta guaranziar l’amostranza d’as luengas propias: aragonés e asturianu, en os Zentros educativos d’Aragón e Asturies, en igualdat de condizions con atras amostranzas reglatas”.
Por ixo, se han organizau unas chornadas online a o largo de dos días, pa entre atros temas, charrar sobre a Ordenación curriclar e lechislativa, programas educativos pa o desembolique d’as luengas propias e programas e plans de formazión pa lo profesorado de luengas propias.
En a primera d’as chornadas se contará con a presencia d’o Direutor Cheneral de Politica Lingüistica d’o Departamento de Educazión d’Aragón, José Ignacio López Susín e d’o Direutor Cheneral de Politica Lingüistica d’o Principau de Asturies, Antón García Fernández. Tamién i participarán a Vizepresidenta de l’Academia Aragonesa d’a Luenga, María Pilar Benítez Marco e o Secretariu de la Academia de la Llingua Asturiana, Xosé Ramón Iglesias Cueva.
A segunda d’as chornadas se centrará en analisar a situación autual de l’aragonés e d’o asturianu “en os Zentros educativos, asinas como en a soziedat zivil”. Se debatirá arredol de cómo ye considerato ro profesorato dentro d’os centros educativos, as arias d’impartizión d’as luengas e programas de desembolique, l’anvista respeutive a ra educazión en luengas propias e a suya amostranza en a Universidat y en os centros de adultos. En ista chornada participarán docens e rechiradors de l’aragonés e asturianu como, Yolanda Mur Terrel, Marta Morí de Arriba, Iris Orosia Campos Bandrés e Inaciu Galán y González.
Podrá acceder-se a las chornadas lo martes 26 y chueves 28 d'abril a las 18.00 horas a traviés d'o siguient vinclo.
