As Cinco Villas va a siñar un convenio de colaboración con l'Asociación ‘Boira Zinco Billas’ pa la distribución d'un lote de libros en aragonés a cadaguna d'as bibliotecas municipals, con l'obchetivo de contribuyir a l'aumento d'ista luenga propia d'Aragón en a comarca.
Istos lotes, componius de 4-5 libros, se repartirán por os 31 municipios y as 54 entidaz locals d'a comarca, seguntes ha esplicau o portavoz de Chunta Aragonesista en o Consello Comarcal d'as cinco Villas, Felipe Díaz.
Díaz s'ha amostrau agradeixiu por "o compromiso d'o presidén comarcal" d'incluyir en o presupuesto pa 2022 un total de seis propuestas presentadas por CHA, entre ellas la de prener midas pa fomentar l'uso de l'aragonés en a comarca.
"Dende Chunta Aragonesista defendemos as valors de respeto y dignificación d'o nuestro patrimonio lingüistico y a pluralidat cultural", ha siñalau Felipe Díaz, qui siñala que "se trata d'una iniciativa mui importán pa defender as valors de respeto y dignificación d'o nuestro patrimonio lingüistico y a pluralidat cultural" y "tratar d'empentar en a comarca una d'as luengas propias d'Aragón".
