La concentración contó con a presencia de distintos colectivos de personas migrants, racializadas y d'as izquierdas aragonesas que se chuntoron convocadas per lo Movimiento Antirracista de Zaragoza “en repulsa a los feitos escayeixius en Torre Pacheco, Murcia”.
L'ocurriu en Torre Pacheco no ye un caso aislau. La violencia organizada ye consecuencia directa d'os discursos d'odio, la desinformación y la criminalización constant enta comunidaz migrants avivadas per partius politicos d'extrema dreita, grupos ultras y cualques meyos de comunicación a lo suyo servicio.
“Organizar-nos pa protecher-nos y desfender los nuestros dreitos”
“No podemos seguir normalizando estes discursos d'odio enta las personas migrants, perque ya no ye solo discurso, han pasau a l'acción. Per ixo, la nuestra responsabilidat ye organizar-nos pa protecher-nos, visibilizar estes actos violentos y desfender los nuestros dreitos”, subrayó Papa Ndao d'o Movimiento Antirracista de Zaragoza.
“No venimos a pedir permiso. Venimos a organizar-nos”. Entre la concentración se leyó un Manifiesto an amás d'expresar la suya solidaridat con as victimas directas y colaterals d'a extrema dreita en Torre Pacheco, se reivindicó lo dreito d'as personas migrants y racializadas a convivir de traza pacifica en o territorio aragonés, en este caso en a ciudat de Zaragoza.
Lo Pueblo chitán: antirracismo per las venas
En a concentración tamién se denunció la intención d'utilizar a lo Pueblo chitán como brazo executor d'as violencias de grupos de ultraderecha en contra d'atros colectivos. “La instrumentalización d'o Pueblo chitán como fuerza de choque d'o racismo ha estau refusada de forma categorica per la comunidat, que denuncia esta maniobra como un intento mas d'o poder d'enfrontinar a los pueblos oprimius entre éls mientres perpetúa la suya impunidat” afirmó Lorena Giménez, d'a Plataforma Rosa Cortés por la Memoria Histórica Gitana.
Racismo institucional y persecución policial a personas racializadas
Asinasmesmo, se denunció la privatización d'os servicios publicos per parte d'o Concello de Zaragoza y la crisi en o albergue municipal que deixa en a indefensión a cientos de personas. Tamién se sinyaló lo racismo institucional y las persecucions a personas racializadas per parte d'a policía.
“Debant d'as agresions racistas la nuestra voz colectiva, migrant y racializada. Lo racismo institucional existe y lo vivimos de contino como personas migrants. Amás, denunciamos las redadas racistas, la violencia policial y la violencia simbolica que se concentra en vicos con alta población migrant como Las Fuentes, El Gancho, San Pablo, Madalena, Delicias u lo Rabal”, detalló Nathalia Sánchez, d'o Movimiento Antirracista de Zaragoza.
En a concentración, civica, pacifica y democratica amás d'estar “un espacio d'expresión cultural”, las distintas personas asistents podioron participar d'o microfono ubierto “en an se charró d'as realidaz que viven las personas migrants en a ciudat de Zaragoza”.
Ver esta publicación en Instagram
Organizar la rabia: resistencias frent a lo faixismo cutiano
Dende la capital aragonesa, la solidaridat no ye nomás un cenyo, sino un acto politico que sinyala l'evident: lo que ocurre en Torre Pacheco no ye un brote aislau, sino lo resultau d'anyos de blanqueamiento de l'odio, d'institucionalización d'o racismo y d'un sistema que criminaliza a las personas migrants entre que las esclata.
La concentración en Zaragoza d'este sabado no ye nomás un acto de denuncia, ye una muestra de resistencia frent a la banalización d'o faixismo cutiano. Frent a qui se empeñan en presentar las agresions como “barallas entre bandas” u “conflictos culturals”, lo Movimiento Antirracista sinyala con claridat: lo que i hai dezaga ye una estructura de poder racial, una hierarquía social imposada per qui amenesten un enemigo pa sostener lo suyo dominio.
Perque no ye solo Torre Pacheco. Tamién ye Fraga, ye Alcanyiz, ye lo campo de Valdexalón y los vicos de Zaragoza. Ye la lei d'extranchería, los CIEs, las redadas racistas y los meyos de comunicación que fan de altavoz a la mentira. Y frent a ixo, nomás cal organizar la rabia. Nombrar lo faixismo, sinyalar lo racismo, desmontar l'odio y construyir dende abaixo la comunidat que nos quieren arrebatar.
Aragón ye un país mestizo que soneya un futuro de paz, convivencia, chusticia y igualdat pa toz los Pueblos d'o mundo: lo verdadero camín d'a libertat.
Ver esta publicación en Instagram
