Lo partiu Verdes Equo Uesca expresa lo suyo firme refuso a la macro urbanización prevista en Sarllé (Cerler, en castellano), que contempla la construcción de 2.200 nuevas viviendas en esta zona d'o Pirineu aragonés. “Esta operación immobiliaria, promovida per lo grupo Aramón, suposa un grieu risgo pa lo equilibrio medioambiental y la sostenibilidad d'a redolada”, aseguran.
La portavoz de Verdes Equo Uesca, Silvia Mellado, ha manifestau la suya preocupación per lo impacto negativo que esta urbanización tendría sobre l'entorno natural de Sarllé. “La construcción d'una macro urbanización en una zona tan sensible como o Pirineu aragonés ye una menaza pa la biodiversidat y lo equilibrio ecolochico. No tiene garra sentiu rescatar hue viellos prochectos de fa decenios que corresponden a lo modelo d'o pelotazo urbanistico que ya reventó, amás de desfasado va contra los retos ambientals y de desarrollo en o sieglo XXI”.
Mellado sinyala que “este prochecto tampoco responde a las necesidaz reals d'a población local y prioriza intereses economicos a curto plazo sobre la sostenibilidad a largo plazo”.
Verdes Equo Uesca fa un clamamiento a lo Gubierno d'Aragón y a totas las institucions competents “pa que reconsideren esta decisión” y busquen “alternativas que promuevan un desarrollo sostenible, respectuoso con o territorio y con as personas que viven en os nuestros lugars”.
Finalment, lo partiu expresa lo suyo emparo “a la ciudadanía que deseye expresar lo suyo refuso a este prochecto, participando en as accions y campanyas que se leven a cabo en defensa d'o Pirineu aragonés”.
