Una treintena de músicos europeus especializaus en a gaita han feito aturada este viernes en L’Aínsa como parte d'o programa promoviu dende lo ret 'The Network of European Bagpipers'. L'obchectivo d'a iniciativa ye promover lo conoixencia y la difusión d'a cultura y lo patrimonio arredol d'este ancestral instrumento musical, con fuerte arraigo en o nuestro país, especialment en as comarcas de Ribagorza y Sobrarbe, pero tamién en Os Monegros, Baixo Aragón u Maestrazgo.
La Escuela Municipal de Música y Danza José María Campo ye colaborando en a trobada internacional a traviés d'o profesor Sergio Llena, coordinador d'este prochecto internacional en o Estau espanyol y miembro de l'Asociación de Gaiters de Graus. Precisament esta localidat ha serviu de punto de partida d'o recorriu en o nuestro país, amanando a Aragón instrumentistas de Letonia, Cheorchia, Italia, Croacia, Eslovaquia, Belarrusia, Francia, Serbia u Espanya dica la Villa Medieval de L’Aínsa.
“Levamos treballando conchuntament dende fa anyos. I hai una parte d'o prochecto que tiene que veyer con os viaches, orientaus a la difusión y la divulgación d'o patrimonio cultural d'a gaita en Europa, y per ixo hemos iu a visitar los puestos an la gaita ye un icono: como Cheorchia y Letonia”, y esta semana tocaba en Aragón “en Ribagorza y en Sobrarbe concretament, territorios estreitament vinculaus a la gaita de boto”, explica Sergio Llena.
Lo programa d'actividaz prencipió en Graus con charradas y conferencias, y este viernes en L’Aínsa han intercambiau experiencias con atros expertos y aficionaus a l’instrumento. Dimpués, han visto la recuperada gaita de boto de Bestué y han visitau lo casco historico de L’Aínsa. A partir d'as 19h en a Plaza Mayor s'han iu succedendo las actuacions de diversos grupos de mosica y baile d'o territorio (Biello Sobrarbe, Palotiau de Boltanya, lo grupo de jotas d'a Escuela de Música José María Campo, os gaiters de Sobrarbe y os gaiters de Graus), alternándose con a mesa en escena d'os músicos plegaus d'atros países europeus.
“En L’Aínsa siempre emparamos las actividaz que tienen que veyer con o mantenimiento d'as tradicions y con a organización de trobadas vinculadas a la mosica y a la danza. Esta en concreto tiene un vinclo muito especial con o nuestro lugar perque tenemos en o Museo d'Artes y Oficios Tradicionals la gaita de boto de Bestué, una d'as mas antigas d'Aragón, en perfecto funcionamiento, y que s'aconsiguió recuperar gracias a lo empeño d'o concello y a lo homenajeado y ya feneixiu profesor Ánchel Conte”, indican dende lo Concello de L’Aínsa. Cal recordar que lo primer congreso de gaiters d'Aragón se celebró fa mas de trenta anyos en Sobrarbe y estió lo chermen de l'asentau Festival Castillo de L’Aínsa, que cumple ya trenta y cuatro anyos con a vocación de promocionar lo folclore y las mosicas de radiz.
La trobada internacional de gaiters recibe l'emparo economico d'a Unión Europea y este cabo de semana contina lo suyo recorriu en atros enclaves d'a comarca de Ribagorza.
🎶 Concierto del encuentro "The Network of European Bagpipers".
Se clausura en #Graus el proyecto europeo que pretende divulgar la música tradicional vinculada a la #gaita.
📆 Sábado 8 de junio en la Plaza Mayor a partir de las 18:30 horas. pic.twitter.com/q5AKJAw0xB— Turismo Graus (@GrausTurismo) June 6, 2024
