Una colección de papelería en aragonés

Este setiembre pa escomencipiar lo curso Silvia Cebolla, presentadora d’o programa Charrín-Charrán d’Aragón Tv, ha feito una achenda y atros articlos de papelería en aragonés

Esta zaragozana de 36 anyos aprendió aragonés en la escuela Nogará y ye una apasionada d’a lengua aragonesa per ixo amás de en lo programa d’Aragón TV tamién mira de divulgar l’aragonés atraviés d’os suyos retes socials.

Fa anyos, antes de presentar Charrín-Charrán, Cebolla creó un Canal de Youtube de cocina vegana y consellos útils que se dice A Escuchetes y per ixo agora baixo lo nombre de Botiga A Escuches ha feito una colección de 4 productos en aragonés (achenda, plan d’a semana, taza y quaderno).

Lo suyo producto estrela ye l’achenda que amás d’estar en aragonés tamién marca totas las fiestas y calendatas especials d’Aragón a diferencia d’as achendas que podemos trobar per un regular en los comercios. Esta achenda ye escolar (de setiembre a setiembre), de semana vista y amás d’os suyos peculiars debuixos podemos trobar cada semana una frase feita en aragonés.

Lo disenyo d’estos productos ha estau feito per Franc Martell y Cebolla tamién ha contau con la colaboración d’a productora audiovisual Arodar, qui ha grabau lo suyo spot pa retes socials.

A Silvia Cebolla feba anyos que le rotaba per la cabeza fer una colección asinas perque en os zaguers anyos heba aumentau l’interés d’os productos de papelería en castellano y encara que en aragonés sí que se heba feito bell producto d’esta mena no s’heba sacau en formato colección.

La suya venta ha decidiu de fer-la online atraviés d’a pachina web www.silviacebolla.com y a traviés de mensache privau en instragram @silvia_cebolla y pa la suya entrega los ninvia a domicilio por correu u los deixia en uno d’os puntos pa replegar-los: A Flama (Magdalena) en Zaragoza y De Frida Café en Huesca.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies