En a concentración —emparada per diversas entidaz socials y colectivos musicals y culturals—, que ha reuniu a meyo milar de personas, se procedió a la lectura d'un manifiesto redactado per lo colectivo Tronada y construyiu entre toz y totas y en as tres luengas que conviven en Aragón, l'aragonés, lo castellán y lo catalán. En o texto, han refusau la denominación acientífica u que meta en cuestión la unidat d'estas luengas propias d'Aragón.
Casi 500 personas en la concentración por un Aragón trilingüe.
3 lenguas y un corazón pic.twitter.com/tNqdTrEAlD
— Mary Carmen Bozal 💜 (@mcbozal) February 24, 2024
“Las nuestras luengas, las luengas d'as nuestras mais, güelas y ancestros; las luengas con as cualas la nuestra tierra canta, treballa, plora y ride; las luengas con as cualas explicamos las nuestras montanyas, desiertos y ríos; las luengas milenarias d'un reino, las luengas d'un Pueblo, las nuestras luengas, que viven en as voces de mas de 100.000 aragoneses y aragonesas y tienen resonancias en as de toz, son en periglo. Un patrimonio immaterial de tota la humanidat de que la suya conservación toz, y especialment los gubiernos, somos responsables”, prencipiaba lo manifiesto.
Lo texto, dividiu en cuantas partes, remarca que “como ciudadans y ciudadanas aragonesas la protección d'as luengas constituye un deber moral, etico y legal”. Considerando que este compromiso reflecta “la reconoixencia de dreitos tanto individuals como colectivos”, asinas como la importancia intrinseca d'as luengas en o suyo patrimonio cultural y historico. “Esta convicción se fundamenta en disposicions legals como lo Estatuto d'Autonomía, la Constitución espanyola y los pactos internacionals, entre éls la Carta europea d'as luengas minorizadas, ratificaus per lo gubierno espanyol”, han detallau.
Dentro d'as peticions realizadas, en primer puesto, han instado a la reconoixencia oficial de l'aragonés y lo catalán en a lechislación aragonesa, “un paso crucial enta la suya protección y valorización”. Amás, solicitan medidas concretas pa conservar estas luengas en tot lo territorio, especialment en aquellas comarcas an son parte integral d'a suya historia lingüistica.
La cooficialidat en as arias an estas luengas son predominants historicament ye unatro punto crucial. Esto implica l'adopción de politicas que fomenten lo suyo uso y desembolique, asinas como la suya integración en o sistema educativo como parte fundamental d'o currículo.
Per zaguer, lo manifiesto subraya la importancia de campanyas d'información y conscienciación pa que la población aragonesa reconoixca la valor intrinseca de l'aragonés y lo catalán como “parte indivisible d'o suyo patrimonio cultural y, per ende, de l'herencio cultural d'a humanidat”.
