Lo prochecto, liderado per las artistas Ana Resia (@ana_resia1), Julia (@nadamasjulia), María (@m_matas_) y Elisa Gómez (@nylon_silvestre), une los estilos unicos de cadaguna en un homenache visual que fusiona elementos arquitectonicos, naturals y mitolochicos d'o nuestro país. Totas ellas son vinculadas a lo territorio y participan activament en a comunidat local a traviés d'o CSA A Melonera, situau amán d'o mural.
Entre los destacaus d'o mural, Elisa Gómez presienta una Mora, fada d'o folclore aragonés, que entrega una flor a Santa Orosia, mont emblematico d'a redolada. Per la suya parte, Ana Resia captura la esencia d'o Pirineu con escenas d'Alto Galligo, incluyindo casicas con chamineras tradicionals, la ilesia de Sant Chuan de Busa y fauna como lo sarrio.
Per la suya parte, Julia da la bienvenida a lo mural con o retrato d'una ninfa entre la vechetación autoctona, mientres que María zarra la obra con una panoramica d'os lugars d'a Val Estrecha (u Val de Xarlata) y la suya flora caracteristica.
Lo resultau ye un mural vibrant y coloriu que reflecta lo carácter diverso y la unión comunitaria de Samianigo. Las artistas han chugau con os plans y las perspectivas pa destacar la presencia femenina en primer plano, integrando lettering de gran calidat que complementa las imáchens.
En parolas d'o concejal de medioambiente, Javier Sadornil “lo Centro Civico Capitiellos, que tamién alberga lo conservatorio y la escuela d'idiomas, se consolida asinas como un punto neuralchico d'a vida cultural de Samianigo”.
Esta iniciativa, empentada per lo compromiso y lo talento local, convida a vecins, vecinas y visitantes a desfrutar d'un nuevo simbolo d'o orgullo colectivo de l'Alto Aragón. “Somos muito orgullosos que cuatro mullers muralistas den vida a espacios tan concorrius como ye este centro municipal”, concluye Sadornil.
