L'alcaldesa de Samianigo, Berta Fernández, expresó “la suya gran honor en recibir la propuesta de l'Asociación Aragonesa d'Autors de Cómic pa albergar este evento en Samianigo”. En parolas d'a edil “pa lo Concello, este evento enampla y diversifica la ofierta cultural d'a nuestra ciudat, enriquindo la vida cultural d'os nuestros ciudadans y atrayendo a visitantes de totas partes”.
Per la suya parte, Daniel Viñuales destacó “la importancia d'este alcuerdo pa guarenciar la continuidat d'un evento ya consolidau”. Anyadindo que “pa lo sector d'o Noveno Arte, esto suposa un important refirmo que contribuyirá a difundir a los autors de cómic” tanto aragoneses, como espanyols u franceses.
Lo cartel, las calendatas y la programación completa de l'evento d'o Salón Hispano-Francés d'o Cómic se presentarán en as proximas semanas, prometendo una ofierta variada y emocionant pa totas las amantes d'o cómic. Con esta nueva ubicación, lo Salón Hispano-Francés d'o Cómic “reforza lo suyo compromiso con a promoción d'a cultura d'o cómic y brinda una plataforma significativa pa los creyadors de toz dos costaus d'os Pireneus”, aseguran.
Lo PP-Vox cancela unilateralment lo Salón Hispano Francés de Cómic de Chaca
La cruzada sectaria y anticultural d'os gubiernos PP-Vox en diferents administracions aragonesas se cobró una nueva victima este pasau mes de marzo. Dimpués d'a supresión d'o Festival Periferias de Uesca y la desintegración de Etopia en Zaragoza, le plegaba lo redolín a lo mundo d'o cómic, pa lo cual PP, Vox y Aragoneses (una d'as escisions d'o PAR que tamién votó a favor d'a cancelación) retiroron d'os presupuestos d'o Concello de Chaca la chicota partida presupuestaria que heban dedicau en anyos anteriors.
