Dende Puyalón continan recordando que “en os segundos Sitios tornó a estar enclave estratechico pa privar la dentrada d'o exercito napoleonico enta Zaragoza. La ocupación d'os conventos de Sant Lazaro y Altabás estió clau dica la suya ocupación. En o fosal de dezaga de l'actual Parque de Macanaz reposan los cuerpos de mas de 10.000 zaragozanas y zaragozanos”.
“L’hespital, lo ferrocarril, a industria, lo Puent de Piedra, os mercaus, cine, tota esta larga historia ha contribuyiu a dar a este vico d'extramuros una fisionomía especial y un aspecto, chunto a lo Puent de Piedra que ha configurau lo casco histórico d'o clamau ‘Rabal viello’, sinyal d'o Patrimonio arquitectonico aragonés”, sinyalan.
Asinas mesmo, destacan que “este casco historico lo configuran las carreras Villacampa, Ibort, Forno, M. Lacruz, M. Gracia, M. Lucas, Plaza d’o Rosario y Plaza d'a Mesa, prencipalment”, y a suya valor arquitectonica “d'as suyas fronteras, teitos, aleros, patios interiors, puertas con arcos, escaleras interiors, terrazas, ye incomparable”.
“Un total de 92 Viviendas, solars vuedos, edificios u espacios an la inversión publica se fa imprescindible y urchent. Las zagueras noticias nos charran de lotes de Vivienda Publica a concurso desiertos, edificios que siguen cayendo-se y actividat socio-comercial d'o barrio degradada”, destacan.
“Un estudeyo de 2010 d’o Concello de Zaragoza contrimostraba que se feba necesaria la Intervención de Zaragoza Vivienda, con Rehabilitación y Viviendas de Alquiler, enlazar recorrius turisticos d'este Barrio con os d'a Plaza d'o Pilar, rehabilitar y dinamizar Mercaus con centros pa Artesans y Artistas, asinas como l'uso Comercial d'este. Y a instalación d'un Albergue de Choventut en a Plaza d'o Rosario”, remeran.
“Y pro que pa ixo, las institucions publicas habrían de contribuyir con a inversión de recursos pa restaurar este patrimonio arquitectonico de valor incalculable”, conluyen dende Puyalón.
