O Pueblo que canta mai no s’amorta: lo rock en aragonés tamién sona en Barcelona

La Colla de Charradors O Corrinche, una asociación cultural de defensa d'a luenga aragonesa en Barcelona, ye realizando un Ciclo de Seminarios arredol de esta luenga dedicau a la mosica. Este proximo cabo de semana será lo turno d'o rock, y contará con a presencia de Chorche Paniello endrezando lo seminario, Jota Lanuza de Ixo Rai! y Fer de Mallacán, amás de l'actuación d'a banda Nuei.

lo rock en aragonés tamién sona en Barcelona
La banda aragonesa Nuei

Dende fa bels años l’Asoziazión cultural Colla de Charradors O Corrinche organiza bels Ziclos de Seminarios arredol de l’aragonés an s’ha tratau diferens aspeutos d’a lengua como lo vocabulario, a toponimia, as varians dialeutals u o modelo d’estandarizazión. En istas edizions han contau con o refirme d’o Centro Aragonés de Barcelona, o Departament de Romàniques de la Universitat de Barcelona u o Institut d’Estudis Catalans. Debán d’a complicada situazión en que se troba la lengua aragonesa, dende l’asoziazión veyen preziso a nezesidat d’impulsar una campaña pa que a soziedat tienga conoiximiento d’a realidat d’a lengua nuestra.

Ye por ixo que han feito un ziclo de seminarios, entre o curso 2021-22, adedicau a ra mosica en aragonés. “A mosica ye un medio d’expresión artistica an que trobamos reflexadas muitas d’as expresions identitarias d’a lengua y an podemos apreziar as suyas particularidaz. Como en muitas atras lenguas iste medio d’expresión viene d’un antigo bagache patrimonial y plega dica os nuestros días en atras trazas más modernas de creyazión”, senyalan.

Tot iste panorama queremos amostrar-lo como un exemplo vivo d’a lengua. Porque un pueblo que canta nunca no s’amorta. Con a fin de tener más repercusión, creyar sinerchias y sensibilidaz arredol d’a situazión de l’aragonés buscamos complizidaz que nos aduyen a fer una defusión más ampla, fendo d’altavoz en o nuestro proposito. Por ixo planteyamos a colaborazión con entidaz que puedan estar vinculadas a o panorama mosical como son zentros zivicos, festivals u eventos d’important repercusión cultural e mediatica en a ziudat de Barzelona, como por exemplo, o Barnasants u o Tradicionàrius, y an que l’asoziazión gosa de partizipar-ie”, detallan.

lo rock en aragonés tamién sona en Barcelona

Seminario a Edat d’oro d’o rock en aragonés

O primer grupo que prebó de fer rock en aragonés naixió en L'Almunia en 1987, Rolde. Caldrá aguardar a 1995 to que s'edite un disco en aragones, Entalto a reboluzión e lo fa Mallacan, grupo de Zaragoza con zinco treballos entre 1995 e 2009 de raso en aragonés. Iste camín lo continaran Prau, con zinco treballos entre 1997 e 2012, u Esferra con un unico treballo en 1999. Atros grupos han grabato solo que bellas cantas como Ixo Rai, mitico grupo zaragozano creato en 1988, u Comando Cucaracha. Os grupos de folk-metal tamién interpretan cantas en aragonés, como Lurte, con zinco discos en a carrera dende 1997.

Chorche Paniello, Monzón, 1967. Ye un achitador cultural de larga trayectoria en proyeutos relazionaus con l'asociacionismo, a dinamizazión territorial, a cultura y l'uso d'a luenga aragonesa. Estió promotor, entre atros proyeutos, d'a Feria d'o Libro Aragonés de Monzón, d’a Escuela de Lengua Aragonesa Nabata y d’o zenso lingüistico de Monzón. Estió conzellero de CHA d'o conzello d'ista localidat. Tamién, dende Cambiar Monzón, ye en a campaña en reivindicazión por un tren digno Monzón no pierdas tu tren. Dende fa casi 20 años organiza a Feria del Colecionismo Replega, iniziativa promovida des d'o Centro de Recuperación de Pegatinas, agrupazión que se dedica a localizar, documentar y catalogar as pegatinas politicas y sozials editadas, tratando-las como documentos istoricos.

Actuazión de Nuei Band

Nuei ye un proyeuto musical naxiu en Zaragoza que chuga con as mosicas d’o mundo dende una optica festiva, intima e reinvidicativa. Canzions en as lenguas d‘Aragón que mezclan reauge, pop, rock, world music con poeticos textos que combidan a cambear o mundo, un eclectico coctel sonoro que recorre diferens sonoridaz, testuras y colors, ta crear un estilo mezclizo con sapia aragonés. Iste proyeuto mosical que parte d'Álex Caristera, mosicaire zaragozano, integrán de bandas como Skabeche Riber Band, Maut, Escolanos Sin Fronteras, Mallacán u 14 KM, proyeuto de cooperazión d'o festival Pireneus Sur con L'Boulevard de Casablanca, bandas con as cualas chirau por buena parte d'o estau, amás de por estados como Francia, Alemanya, Marruecos u Chapón. Tamién ha colaborau tanto en disco como en dreito con artistas como Sho-Hai, RdeRumba u KaseO (Violadoras d'o Verso), Shariff, O Momo... Os suyos componens son Álex voz, guitarra y trompón; Mario baxo; Garzi batería, samplers y trompeta; Gondi saxo y son; Guille trompeta Snowy trompón, teclaus y vozes.

25 anyos de cursos d'aragonés en Barcelona

A Colla de Charradors O Corrinche ye una asoziazión cultural ta la promozión d'a luenga aragonesa. Fa más de diez años, se creó o Taller d'Aragonés ta dar un espazio de treballo a os ex-alumnos d'os cursos d'aragonés que quereban mantener un vinclo autivo con a luenga una vegata finalizada a suya formazión. Ye dentro d'iste contesto an se crea, en 2010, a Colla de Charradors O Corrinche con a intenzión de potenziar a esprisión oral en aragonés y crear espazios an faiga de luenga veicular. Dende entonzes, O Corrinche organiza tot tipo d'actividaz que promueven a conoixenzia d'a cultura aragonesa y que emplegan a luenga como instrumento de comunicazión y difusión.

Amás tos adchuntamos lo cartel d'o curso d'aragonés, una d'as diferents actividatz que realizamos, y que se realiza dende fa 25 anyos ininterrompidament”, concluyen dende a Colla de Charradors O Corrinche.

lo rock en aragonés tamién sona en Barcelona

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies