A divulgadora Silvia Cebolla expresa a suya opinión sobre lo emplego d'o idioma aragonés en o Congreso, y se qüestiona per qué en Aragón os parladors no lo pueden fer servir con normalidat con as institucions.
Lo Congreso reconoixe formalment el plurilingüismo d'o Estau espanyol
Lo Congreso ha aprebau definitivament este chueves l'autorización d'os idiomas cooficials catalán, euskera y galego en toz los ambitos d'a Cámara, asinas como la posibilidat d'emplego d'aragonés y asturiano, con a oposición y faltas de respecto d'as dreitas y ultraderecha.
La portavoz de l'ultraderechista Vox ha buscau l'enfrontinamiento con o deputau de Sumar Aragón, Jorge Pueyo, cuan este ha utilizau l'aragonés dende la suya cadiera indicando que “nos han estau censurando y reprimindo tota la vida. Yo no he puesto estudiar en a mía luenga y los aragoneses no tienen dreitos lingüisticos plenos”.
“Tiene la mía edat, naixió en os 90, De qué represión charra? Vusté se creye que somos aquí pa dar-le emparo perque un profesor le teneba manía en o colechio? No se preocupe, dimpués le damos un abrazo si quiere”, la ha espetau la ultraderechista y portavoz d'o nacionalismo espanyol de Vox.
“No deixaré de decir tontadas -jautadas- como me dicen per aquí”, ha continau Pueyo en referencia a las faltas de respecto dende las cadieras d'a ultraderecha, y ha tornau a pedir respecto “a totas las luengas. No i hai una luenga común, sino muitas luengas comuns”, ha apostillau.
