En a ‘Devantadera’ de Nogará se darán cita as alumnas y alumnos de l’anyo pasau, chunto con socios y charradors d’aragonés. Iste acto ferá honra pa tornar a viyer-se dimpués d’o verano, reprener as relacions y socializar-se en aragonés. Uno d’os obchectivos históricos de esta asociación “poder vivir en aragonés”.
As actividatz previstas pa estianyos serán as siguients:
- 18.00 horas: Prochección de documental “Casa mía, casa tuya”
- 19.00 horas: Presentación de prochectos y entrega de titols
- 20.00 horas: Brenda popular
“A participación será de baldes, y podremos fer-nos un gotet y un mueso a la fin de l’evento”, sinyalan desde Nogará, y anyaden que “l’actividat ye pensada pa acudir con toda familia y que os ninos y ninas puedan escuitar l’aragonés con mais, país y atros ninos”. “Tos aguardamos a todas y toz!”, concluyen.
Horarios que s’ofreixen pa os Cursos d’aragonés 2023-24
Este anyo Nogará incorpora cuantas novedaz. La primera d’ellas ye que aumenta la ofierta de cursos en horario de maitins. Y la segunda ye que toz los suyos cursos son completament adaptaus a la norma ortografica oficial de l’aragonés de l’Academia Aragonesa d’a Luenga. “Y, pro que sí, continamos con as modalidaz presencial, semipresencial y online”, recuerdan.
- 1º Martes, de 17 a 20h
- 1º Miercres (maitins), de 10 a 13h
- 1º Miercres (tardes), de 18 a 21h
- 1º Online
- 2º Luns, de 18 a 21h
- 2º Martes (maitins) (minimo 8 personas)
- 2º Online
- 3º Chueves, de 18 a 21h
“Toz los nuestros cursos prencipian la semana d’o 16 d’octubre y tienen una duración estimada de 100 horas (dica lo mes de chunyo). Lo pre d’os cursos ye de 80 euros. Cursos valoraus como meritos per las administracions publicas”, sinyalan.
Puez inscribir-te a traviés d’este formulario. Y si quiers mas información, puez consultar la suya pachina web.
