Dende la Plataforma ciudadana “Oroel no se toca” sinyalan que “lo debat d'o pleno, y las declaracions que se son fendo posteriorment en o sentiu que la propuesta ‘no ye vinculant’ lo que contrimuestra ye que i hai qui siguen sin entender lo verdadero problema y que pretenden estar contumaces en a error. Tampoco ye necesaria una consulta popular. Reiteramos lo que ya hemos manifestau en as numerosas alegacions”.
“La finalidat no declarada d'esta ‘jautada’ de prochecto, seguntes la concejala que lo presienta, ye la de dotar a la futura rehabilitación d'o parador d'una ‘cartera de clients’ que faiga atractiva la concesión d'o servicio. Ye decir, que l'edificio tampoco será a lo servicio d'as necesidaz d'o paisache protechiu, sino que se crea una atracción turistica de cuasi una Ha, que acotola la zona d'uso cheneral pa meter-la a lo servicio d'a explotación economica d'una concesión”, enfatizan dende la plataforma ciudadana.
Independientment de l'informe d'o INAGA “agora cal abanzar-se y no asperar a lo resultau de l'informe. U bien ixes diners se perderán y belún tendrá que responsabilizarse d'ixo. Lo reto ye mirar enta debant, u bien cambiar la ubicación, u tratar d'aprofitar los fondos europeus Next Generation pa lo que realment estioron concebius: guarenciar servicios basicos, amillorar la cohesión territorial y achugar per un turismo sostenible que cudie lo paisache en cuenta de convertir-lo en un decorau”, subrayan.
“Per muitas recreacions que agora nos quieran presentar, lo verdadero futuro d'o Monte Oroel no pasa per Oroel Park, sino per respectar a la naturaleza”, concluyen dende la Plataforma ciudadana “Oroel no se toca”.
