Lo libro se presenta este viernes 23 de febrero, a las 19.30 horas, en a librería Antígona de Zaragoza, dentro d'as actividaz programadas en Aragón per lo Día Internacional d'a Luenga Materna d'a Unesco.
Lo paisache lingüistico ye una disciplina que estudeya la presencia d'as luengas en un puesto determinau. Este libro aborda la incidencia d'a luenga aragonesa en as carreras, casas, comercios y un sinfín de puestos d'Aragón y muestra que se trata d'una realidat viva y que encara resiste.
Asinas lo acreditan las 1.580 fotografías recopiladas y analisadas perteneixients a 323 localidaz aragonesas dende o Pirineu dica Teruel, a lo largo d'amán de trecientas pachinas ordenadas per comarcas.
D'esta forma, una riqueza tan gran como la luenga aragonesa queda reflectada a traviés de l'uso que realizan los propios habitants d'o país, tenendo en cuenta ixo que una imachen vale mas que mil parolas.
Como sinyalan os autors, este libro naixe “dende l'amor a una luenga, pero sobre tot como un homenache a aquels que la charroron y estioron, en o millor d'os casos, incomprendius”. Este ye un prochecto colaborativo, coral “que amuestra la existencia de l'aragonés en a vía publica, a l'aconsiga de cualsequiera que mire con curiosidat y con ganas d'aprender”. En suma, “un granito d'arena mas pa valorar y protecher una d'as luengas europeas que, seguntes la Unesco, tiene mayor riesgo de desapareixer, pero se mantiene viva”.
Os autors
Alberto Gracia Trell, educador, máster en Luengas Aplicadas y Diploma d'Especialización en Filolochía Aragonesa, ye autor de numerosos articlos sobre l'aragonés en revistas especializada. Investiga especialment tanto la historiografía d'a luenga como la fabla viva somontanesa. Entre os suyos treballos, destaca Benito Coll y Altabás (2018) y ye responsable d'o estudeyo y edición de volúmens con a obra de Agliberto Garcés u Pedro Arnal Cavero.
Javier Martínez Aznar, incheniero agrónomo y doctor en Ciencias Agrarias y d'o Medio Natural, ha treballau como educador ambiental en l'Alto Aragón y actualment ye profesor d'a Universidat de Zaragoza. Centra las suyas investigacions en temas educativos y ambientals, encara que aquellas parolas d'a suya infancia tamién le han levau a investigar sobre l'aragonés residual d'a localidat d'a cuala desciende: Malanquilla (Comunidat de Calatayú).
