Agora x l’aragonés premia los millors treballos audiovisuals d'o zaguer anyo gravaus, doblaus u subtitulados en aragonés. Conta con dos categorías, la cheneral y la escolar y en esta edición s'han presentau un total de ueito treballos. Tres en a categoría escolar: Adevinetas, que plega d'o colechio Salesiano de Uesca, Monzón notizias, de l'Asociación Querím y O viache d’os gorrorrois, d'o CEIP Montecorona de Samianigo.
Y cinco documentals u treballos presentaus a la categoría cheneral: Ixigoleta y bordón, de Silvia Orós, A terra que somos: Un vuelo sobre as nuestras radizes, d'Ana Constante y Daniel García, Cuan el mon cambia, de Carmen Castán y Javier Moreno, Baitico, l’ombre-libro d'a Val de Bielsa, de Luis Miguel Bajén, y Tiedas de Sant Chuan, de Roberto Serrano.
Los nombres d'os ganadors y ganadoras se conoixerán en a gala que prencipia a las 19:45 horas d'este proximo sabado, que será conducida per la presentadora y directora de Charrín-Charrán, lo primer programa d'Aragón TV en luenga aragonesa, Silvia Cebolla, y amenizada per Idoipe, músico aragonés protagonista d'o documental que en a pasada edición de Espiello s'alzó con o premio d'o publico ‘Tañen furo’.
Lo domingo 23 será una sesión muito especial pa muitos vecins y vecinas de Sobrarbe, ya que plega la sección Espiello D’arredol, que presienta los audiovisuals realizaus en Sobrarbe. En concreto se prochectará lo documental Semillas/Simients de Lucía Castillón y Ana Valle del Río. Un documental que trata la luita d'o lugar de Caneto per mantener vivo lo suyo fogar. Las familias de Caneto deben lidiar con l'anuncio per parte de l'administración educativa aragonesa d'o zarre imminent d'a suya escuela, lo que suposa un traspiés en os prochectos de vida de decenas de familias.
A las 19:30 horas se prochectará la ópera prima de Lucía Bosque Sarabillo Mosicaire. Esta choven d'a localidat de Plan ha replegau en o suyo primer treballo audiovisual la historia d'a recuperación d'un baile tradicional de Sarabillo, localidat perteneixient a lo municipio de Plan en a Val de Chistau. Lo documental cuenta la historia de cómo Sarabillo ha recuperau lo baile d'a rosca, una danza tradicional que no se bailaba dende fa decenios en o lugar. Lo pasau verano, en as fiestas d'agosto, un grupo de vecins y vecinas recuperoron este baile, que tiene una larga historia dezaga.
