Debant d'as proximas citas electorals que se van a celebrar en Aragón este anyo 2023, lo 28 de mayo eslecions municipals y aragonesas, CREFCO ha ninviau a los partius politicos con representación en as Cortz una carta solicitando "una reivindicación explicita y contundent" en os suyos programas y campanyas electorals en pro d'a reapertura d'o ferrocarril internacional de Canfranc, una demanda historica que se viene retardando anyo dimpués d'anyo.
En opinión de CREFCO (Coordinadora per la reapertura d'o ferrocarril Canfranc-Olorón), ye "un anyo trascendente" pa continar abanzando en as obras en o costau aragonés y "seguir presionando" a lo Gubierno francés pa que "entienda" la necesidat de reubrir esta linia ferroviaria "en favor de mas y millors comunicacions" entre los dos países y con Europa.
"Entendemos que cal intensificar la presión aragonesa debant d'os gubiernos espanyol y francés pa que de traza inequivoca se comprenda la necesidat de reapertura d'a linia", subraya CREFCO.
En este sentiu, CREFCO aspera que los partius aragoneses, "conocedores d'a obligación de reapertura", faigan "campanya decidida" en a suya reivindicación, perque "Aragón no puede permitir-se perder unatra lechislatura sin veyer las obras de reapertura en a linia".
Cal recordar, que este pasau verano, en chulio de 2022, lo chilo "¡Reapertura ya!" tornó a sonar en Canfranc dimpués de dos anyos de parón per la pandemia. Decenas de personas se concentroron en a nueva estación, recuperando asinas esta cita historica pa reivindicar d'una vegada per totas la reapertura d'a linia internacional ferroviaria de Pau a Zaragoza per Canfranc.
