#Correscales  Movimientos

Correscales unifican las luitas en o suyo paso por Aragón

La movilización d'as subcontratas de Movistar cuontra la precariedat que unirá en una carrera Bilbo y Barcelona ha esnavesau iste sabado l'Alto Aragón unificando las luitas d'os diferents conflictos activos, con presencia d'os 8 de Yesa, los autobuses urbanos de Zaragoza u las BRIF
| 20 febrero, 2016 22.02
Correscales unifican las luitas en o suyo paso por Aragón
Correscales en Artieda. Foto: Dalber

Pa los participants d’os Correscales lo diya no tien ni principio ni fin, la carrera nunca no atura y las 24 horas d’o diya belun ha de portar lo testigo. Asinas, arredol d’as seis d’o maitín d’o sabado, los Correscales dentraban en Aragón per la canal de Berdún. La suya entrada no podeba estar més simbolica, pasando per la zona de l’entibo de Yesa.

En la muga con Nafarroa asperaban los primers corredors aragoneses, chovens d’Artieda que ferían lo simbolico tramo dica lo suyo lugar. Guiaus per las innumerables pintadas en rechazo d’o recreiximiento de Yesa, la colla atraviesa los esqueletos d’o que una vez estió lo lugar de Tiermas y con l’amaneixer los correscales dentran en lo lugar d’a dignidat.

En Artieda s’ha ofriu un buen desayuno qu’ha feito que todas las personas que corren y emparan pillen fuerzas. A partir d’aquí un choven imputau en “los 8 de Yesa“ lee un comunicau y pilla lo relevo marchando ta Mianos y sin aturar dica lo lugar de Bailo.

De mediodiyas iste poliu lugar prepirinenco recibe a los corredors de Yesa y Movistar an que los bombers forestals los reciben con un caluroso aplauso y un avituallamiento prou suculento. Sergio Palacin, lo choven corredor d’Artieda y imputau en los hueito en rematar la suya etapa mos ne diz que «son prou contentos que haigan contau con ells ta ista iniciativa», encantau d’amparar ista iniciativa. La luita cuentra lo recreiximiento de Yesa y la defensa d’os imputaus ha puesto visibilizar-se gracias a los Correscales, a lo mesmo tiempo qu’han podiu solidarizar-se y amostrar lo suyo amparo a las subcontratas y la luita cuentra la precariedat d’os treballadors de Movistar.

Dende Bailo son estaus los bombers forestals los qu’han acompanyau a los corredors de Telefonica. Una persona de cada reten de SARGA y una atra persona de TRAGSA s’han encargau de representar a tot lo colectivo que lo zaguer verano destacó per la suya vaga en la busqueda d’unas millors condicions laborals y cuentra la precariedat. Ya en Morillo de Galligo a la comitiva se l’ha uniu un representant d’os treballadors d’o sector publico, que han queriu amostrar asinas la suya solidaridat con los corredors de Movistar.

Quan son plegaus en Ayerbe prou corredors han pillau la pancarta principal d’a movilización y l’han llevada dica lo centro d’o lugar, acompanyaus de treballadors d’as diferents luitas. Allí yera present un representant de l’Asamblea de Gamonal de Burgos que ye iu dica lo tramo aragonés de Correscales pa solidarizar-se con los treballadors y treballadoras de Movistar. En parolas d’o suyo representant «mos sentimos moralment obligaus a amparar a todas istas luitas per lo gran amparo que teniemos en lo nuestro diya» y ha anyadiu que «mos acordamos especialment de toda la chent que estió represaliada en Zaragoza per l’amparo a la causa de Gamonal».

Gracias a la iniciativa d’activistas d’o lugar, lo Concello d’Ayerbe ha cediu las suyas instalacions municipals pa que la patolea d’os Correscales podise minchar y descansar-se en la localidat. T’Ayerbe ye ida una representación d’a plantilla d’os autobuses urbanos de Zaragoza que llevan mes de setenta dias de vaga y qu’han queriu solidarizar-se con la luita de Movistar. En parolas d’o suyo representant, Chabi Anadón: «entendemos que cal unir las luitas en los diferents territorios de l’Estau espanyol». En lo mesmo sentiu ha feito una crida pa participar en la manifestación d’iste vinient chueves y la solidaridat con la vaga en AUZSA.

La carrera ha continuau enta Uesca y a la hora de cerrar ista cronica encara no ye plegada a la que sera la suya avantzaguera aturada en Aragón: Monzón. Allí serán recivius, ya de nueitz, per representants de l’Ateneu de traza similar qu’ocurrirá con la zaguer aturada aragonesa en Binefar. Dende astí, los Correscales plegarán en acabar lo diya en tierras catalanas an que lo nuestro medio chirmano La Directa pillará lo testigo informativo tal y como nusatras lo pillemos en Yesa d’a man d”Ahotsa, y antes de Argia.

[Puedes leer la crónica en castellano en este enlace]

20022016 ARTIEDA Correscales día 3 Aragón Foto @Guillenandorra 2

#Correscales en directo

Noticias relacionadas:

Correscales atraviesa Nafarroa por el fin de la precariedad laboral entre muestras de solidaridad (Ahotsa)

Parte de Bilbo a Barcelona la ‘Correscales’, la enorme iniciativa contra la precariedad laboral (Argia)

Sigue el Correscales en directo mediante la cobertura conjunta de Ahotsa, AraInfo, Argia y La Directa

20 febrero, 2016

Autor/Autora

Colaborador de AraInfo. @guillenandorra


Vimeo
Ocurrió un error. Comprueba que el id 1756922 corresponde a un 0 y que existe.
Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR