Un anyo mas las carreras de Bilbo s'implioron pa secundar la convocatoria de Sare y reivindicar “la paz, la resolución y la convivencia” en Euskal Herria. “A qui corresponda, deberían prener nota d'as decenas de milars de personas” que implioron las carreras de Bilbo este pasau sabado.
“No somos debant d'un reivindicación politica y per tanto partidista. Ye esta, una reivindicación en favor d'os dreitos que asisten a un colectivo de presos, que continan veyendo vulnerando los suyos dreitos. Ye una reivindicación en favor d'os dreitos humans”, sinyalan, nomás asinas puede entender-se que una asociación como SARE, aconsiga anyo dimpués d'anyo “que decenas de milars de personas, abarroten las carreras, exichindo una paz sin inchusticias”.
“La reivindicación d'os dreitos d'os presos y presas bascos, asinas como la exichencia d'o respecto a causa de totas las victimas d'as violencias, son la que nos acompanyan en esta chornada”, aseveraban dende Sare.
“Behin betiko. Sí, ye la hora. Ye la hora de sellar totas las consecuencias de decenios de confrontación y sufrimiento y consideramos que la sociedat basca, ye legitimada pa exichir a los estamentos politicos y chudicials, que participen d'esta labor. Ye, tamién, la suya responsabilidat”, anyaden dende Sare.
Gaurko ibilbideko hainbat irudi 💙 #BehinBetiko pic.twitter.com/n7MK1tIXi8
— Sare Herritarra (@sare_herritarra) January 11, 2025
Intervención a lo zarre de la marcha “Behin betiko. Per la paz, la resolución y la convivencia” en Euskal Herria:
Agradeiximientos a toz y totas vusatras, per haber tornau a emplir las carreras de Bilbo d'ilusión y d'esperanza, reivindicando, una vegada mas, los dreitos d'as presas y presos bascos. Gracias a las mullers y hombres d'o nuestro país, que dicen alto y claro que sin resolver la situación d'as personas presas, no i hai ni i habrá normalidat posible.
Perque la resolución ye la base d'a convivencia. Nomás ixo nos amanará a una paz chusta.
Eskerrik asko a los partius politicos, sindicatos y asociacions d'Euskal Herria, perque estando presents hue aquí u no, comparten y emparan esta reivindicación.
Moltes grácies, als nostres amics i amigues de Catalumya y Illes Balears per estar-hi. gracies, una vegada més: Omniun, ANC, ERC, JUNTS, CUP, Més per Mallorca per la vostra solidaritat. Moitas grazas, Bloque Nacionalista Galego. President Quim Torra, moltes gracies, per apoiar-nos una vegada mes. Mila esker, Ines Osinaga, Gorka Knorr eta Lluis Llach.
La nuestra reivindicación, conta con os gritos de ánimo d'os milars y milars de personas que se agolpan hue en as carreras de Bilbo, que no van a permitir que, en o suyo nombre, se continen vulnerando dreitos y aumentando la crispación y l'enfrontinamiento.
Entre toz y totas, desactivaremos las politicas vulneradoras d'os dreitos d'as personas presas. Entre toz y totas, las trayeremos a casa, de conchunta con os exiliaus y deportaus.
Imos abanzando. Imos cubrindo etapas. Sin duda, mas lentament d'o que querríanos, pero imos bien: fa tiempo que deixamos dezaga las vulneracions de dreitos a los presos y presas bascos, que suposoron las politicas d'aleixamiento, las celdas d'isolamiento, la permanencia en primer grau dica lo final de las condenas. Y la zaguera victoria rancada a qui se empeñan en mantener-se en o bloqueyo y la crispación: la fin d'o no computo de penas, que ha representau una d'as mayors aberracions churidicas a las cualas s'ha sozmetiu a estas presas y presos.
Hue la expresión d'as nuestras caras ye de mas goyo que lo pasau anyo. Y l'anyo que viene será encara millor. Pero ixo dependerá d'o treballo de toz y totas nusatras.
Nos toca continar empentando y esto, nomás podemos fer-lo, si caminamos chuntos, si nos conjuramos pa fer frent a toz los obstáculos que nos metan per debant. Nomás dende la unidat, dende lo compromiso militante per lo dreito y los Dreitos Humans, ye posible meter fin a decenios de confrontación y sufrimiento.
Manimenos, excepcionalidades que encara se mantienen. No nomás las derivadas de lechislacions que s'apreboron fa mas de 20 anyos, en epocas que cosa tienen que veyer con as cualas hue vive la sociedat basca, sino las practicadas en o día a día d'a chestión penitenciaria.
Hemos de decir, per o que concierne a progresions de grau, permisos penitenciarios u atros modelos de complimiento, lo tractamiento aplicau a los presos y presas de motivación politica, ye discriminatorio respective a atras personas presas.
No somos exichindo privilechios de garra tipo, sino l'aplicación d'una politica penitenciaria ordinaria, sin excepcionalidades, sin discriminacions ni criterios d'oportunidat politica. Exichimos lo mesmo tracto y los mesmos criterios aplicaus a la resta de personas presas.
Que no se paralicen las progresions a tercer grau, ni los permisos penitenciarios ni cualsequier atra modalidat de complimiento difuera d'os muros d'as prisions. Las condenas imposadas, no les pueden anular los suyos dreitos. No pueden impedir-les lo dreito que tienen a la suya libertat.
Ya ye prou, que bels ambitos politicos, chudicials u cualques meyos de comunicación, s'erichan en avaluadors d'as consciencias d'as d'os presos y presas de motivación politica Quí son éls, pa dudar d'a veracidad, sinceridat y aconsiga d'as voluntaz que de traza individual vienen fendo personas con muitos anyos de prisión a las suyas espaldas?
Lo dreito penitenciario y lo Dreito Penal no buscan convertir las almas d'as personas. Lo suyo obchectivo ye guarenciar que la convivencia se produzca. Decimos con rotundidat, que los presos y presas bascos han dau, dende l'anyo 2011, mas pasos en favor d'a paz y la convivencia, que la dreita politica y chudicial espanyola chuntas.
Deixe-se per tanto ya, d'exichir a estes presos y presas, cosa que vaiga dillá d'o que la lechislación ordinaria requiere de tota persona privada de libertat. Y aconsigamos ubrir las puertas d'as celdas y posibilitar que tornen a las suyas casas. Y esto se puede fer, con l'aplicación d'una politica penitenciaria ordinaria.
Hemos de tornar a recordar que ETA ya no existe. Que ETA prengo las suyas decisions fa tiempo y que ya ye hora d'abanzar. De trencar muros y desligar nudos. Ye hora d'a paz. D'una paz que ye muito mas que l'ausencia de violencia. Que ye una paz con dreitos. Lo dreito a no ixuplidar cosa de l'ocurriu en este país, pero, tamién, lo dreito a poder construyir la convivencia entre toz. Sin odios, ni revanchas. Y muito menos cuan, vienen de qui politicament, per interés partidista, s'aprofitan d'o dolor d'as victimas.
Construigamos la convivencia dende la autocrítica colectiva. No se puede exichir autocritica nomás a los presos y presas bascos, sin que la faigan, asinasmesmo, totas las instancias responsables de vulnerar Dreitos Humans, entre las cualas son lo propio Estau espanyol.
La construcción d'una memoria colectiva d'o conchunto de vulneracions de dreitos en o nuestro país exiche incluyir los asesinatos d'o terrorismo d'estau, la practica de torturas y los abusos de poder. Perque una paz sin violencia, pero con inchusticias y desmemoria, no nos sirve.
Perque, cuan se mantienen medidas excepcionals contra los presos y presas bascos, se practica una inchusticia. Cuan se mantienen lechislacions excepcionals, como las d'obligar a lo complimiento efectivo de 40 anyos de privación de libertat, se comete una inchusticia. Cuan se blocan las progresions de grau y atras formas de complimiento d'as penas, diferents a las d'a prisión, se comete una inchusticia.
Cuan se homenachea a la Guardia Civil, y s'ixuplidan d'as victimas producidas per las torturas per éls cometidas, se comente una inchusticia. U cuan s'utilizan politicament a las victimas y se manipula lo suyo dolor. Tamién se comete una inchusticia.
Dende SARE, tenemos muito claro que ye necesario fortalecer lo refirmo y emparo a las victimas d'as violencias. De totas las violencias. Perque estando las victimas iguals en sufrimiento, son desiguals pa las varas de medir politicas y chudicials.
Exichimos la mesma reconoixencia a las milars de personas torturadas, asasinadas per las fuerzas de seguranza, lo terrorismo d'estau y los faixistas. Y igualment pa las abusadas per lo poder u la Guardia Civil y que no tienen lo beneficio d'a reconoixencia, pero si la guarencia d'ocultación y impunidat d'as suyas perpetradores. Ixas victimas existen y las mantienen amagadas.
Tenemos encara un largo camín per recorrer. Pero tenemos fuerzas motivadas. Nomás una solución chusta a lo problema d'as garcholas y a totas las victimas nos puede amanar a una paz chusta.
Behin betiko. Ye lo momento ya que estes presos y presas, puedan tornar a las suyas casas, a traviés de l'aplicación d'una chusticia ordinaria.
Dende Maule a Iruñea, pasando per Baiona, Donostia, Gernika u Biasteri, ye la hora d'o compromiso. Ye la hora de sellar, de meter fin a totas las consecuencias d'o conflicto sufierto en o nuestro Pueblo. Tenemos lo dreito y la lechitimidat pa reivindicar lo cese d'o sufrimiento.
Se lo debemos a las cheneracions pasadas. Pero sobre tot deixar a las cheneracions futuras, una sociedat millor que la que nusatros recibimos d'os nuestros mayors.
Pa ixo, tos pedimos que continez empentando en ixe camín. Behin betiko. Ye lo momento d'a resolución, d'una paz chusta y d'a convivencia. Mila esker!
Eskerrik asko a todas las que hoy junto a SARE habeis llenado las calles de Bilbo.
Juntas conseguiremos la paz definitiva, la resolución y la convivencia que necesita este País. #Definitivamente #BehinBetiko #Etxera pic.twitter.com/judKNf0tQQ
— Sare Herritarra (@sare_herritarra) January 11, 2025