Lo Gubierno d'Aragón ha informau d'a celebración este viernes, 25 de marzo, d'a “I Chornada de chirmanamiento d’u profesorato de luengas propias d’Aragón: aragonés e catalán”.
Tal como indica en a suya escueta nota la DChA “los colechios publicos Monzón y Ana Abarca Bolea de Uesca han organizau este viernes una chornada d'achirmanamiento entre lo profesorau de luengas propias d'Aragón, la primera d'estas caracteristicas, en a quala docents de totas dos luengas tendrán la oportunidat de colaborar en un ambient distendido a la vegada que formativo, compartir buenas practicas y celebrar conchuntament la existencia d'a recientment enguerada Academia Aragonesa d'a Luenga”.
La chornada ha prencipiau a las 10.00 horas en o castiello de Monzón con a bienvenida a lo profesorado “proveniente de totz los puntos d'o nuestro territorio an se charran aragonés y catalán d'Aragón, y que ha serviu de marco pa un recorriu didactico a traviés d'un chuego de pistas en totas dos luengas propias”.
Contino, de 11.15 a 13.45 horas, en a Casa d'a Cultura de Monzón, s'ha feito “una mesa en comun d'experiencias inspiradoras” destacadas per lo Gubierno d'Aragón, como:
- Proyeutos Lingüisticos
- Dia de la LLengua materna: La dita dita: L’hivern
- Mems Dia de la Llengua materna
- Proyeuto Lingüistico en el CRA Alta Ribagorza
- Break out de Sant Jordi
- Ficcions. Els concursos literaris com a projecte
- Propuesta didautica: Curtos de zine con la escolanalla
- Projecte de Salut: Programa +QIAIOS +QIAIAS
- Dia de la poesia: Poesia oculta
- Propuestas didauticas
- El Dia de la Dona
- Mapa interautivo de luengas europeyas / Mapa interactiu de llengües europees
- Fem història
Seguidament, de 13.45 a 14.45horas, Javier Giralt ha impartiu “l'asperada ponencia L'Academia Aragonesa d'a Luenga: Historia, present y futuro, con a intervención d'a vicepresidenta, Mª Pilar Benítez”, destacan dende la DChA.
Per o zaguer, lo director cheneral de Politica Lingüistica, José Ignacio López Susín “en nombre d'o director cheneral d'Innovación y Formación Profesional, Antonio Martínez Ramos, y en o suyo propio, ha clausurado esta parte mas formativa d'a chornada y los y las asistents que asinas l'han deseyau han desfrutau d'una minchada de confraternización que ha permitiu seguir estreitando lazos pa proximas trobadas”, han concluyiu dende la DChA.
