Que Prau ye una d'ixas bandas que nunca defrauda sobre un escenario ye bella cosa conoixiu , por ixo ye una d'as mas asperadas ta o concierto de Artieda, an os suyos fans asperan desfrutar d'os nuevos temas de su nuevo treballo, “Tos pietz en a tierra”.
Formaus en o bell meyo d’o decenio d’os 90, en 1998 editan a suya primera maqueta baixo o titol “¿Qué esperábais?”, do se troba un estilo de rock que remeraba os empecipiallos de Tako y innombrables atros grupos d’a scena de rock rural d’Aragón.
2001 ye l’anyo en o qual veyo a luz o suyo primer disco titolau “Ye tiempo d’enrestir” Treballo que reculle 10 cantas con estilos diferents (rock, ska, folk) cantadas a dos voces (masculina-femenina) do a gaita de boto y a donzaina son claus. L’aragones ye a suya luenga, y asinas, amuestran o suyo compromis con a cultura aragonesa.
Dimpues de quantos anyos de conciertos por Aragon y Catalunya, en 2004 tornan a ficar-sen en l’estudeo ta gravar o que sera o suyo segundo disco y tercer treballo “En o rafe d’a fuxaina” A evolucion enta sonius mas contundents ye platera, igual como a encorporacion de nuevos ritmos por meyo d’a percusion africana y latina.
En o cabo l’hibierno de 2008, Prau grava o suyo tercer disco “A Fin de l’agüerro” do a variedat de sonius creixe notablement, d’o reggae a o hardcore pasando por o rock-steady y os meyos tiempos. Guitarras agresivas y ritmos endemoniaus fan mezcla con sonius agradables y, cada vegada mas elegants, apanyaus con as suyas caracteristicas melodias de gaita y donzaina y con una sola voz femenina. D’atra man, cal parar cuenta d’o disenyo, cargau de simbolochia bucolico-agorrenca que ilustra un disco de buen sentir.
O suyo zaguer treballo ye “Os pietz en a tierra”, once temas en os que dan un trango enta debant a la suya propuesta con un soniu mas compacto y agresivo pero sin perder a melodia que les caracteriza. De nuevo refirmaus por o colectivo Magofermin y gravau, mezclau y produciu por Caspas (Estudios Monotone) en Zaragoza. Prau tornan t’Artieda y tu no habrias de mirar-te enta atro costau.