Entre lo 4 y lo 10 d’abril se celebran en Zaragoza las XXXI Chornadas d’as luengas d’Aragón de AC Nogará, en as cualas podremos desfrutar de charradas, conferencias, procheccions y actividaz en a naturaleza. Tot con un denominador común, la luenga aragonesa será la protagonista.
Las charradas, conferencias, procheccions se ferán en o Centro Joaquín Roncal a las 19:00 horas (Sant Braulio 5, Zaragoza), mientres que l’actividat en a naturaleza será en as Esclusas de Valdegurriana (Zaragoza).
Achenda
Las XXXI Chornadas d’as luengas d’Aragón prencipian este viernes, 4 d'abril, con la charrada "El léxico aragonés del sur de Aragón. 40 años de trabajos de recopilación", con Chabier de Jaime, Pilar Edo y David Pardillos d'o Centro de Estudios del Xiloca. Lo sabado 5 d’abril plega l'actividat en a naturaleza en as Esclusas de Valdegurriana con Eduardo Laga y una "Orientación en aragonés".
Lo luns 7 d’abril, Silvia Cebolla impartirá la charrada "L’aragones y os retes socials. Divulgación y nuevas tecnolochías". A l'atro'l día, lo martes 8 d’abril, Fernando Romanos y Chabier Tierz presentarán lo Diccionario de fraseolochía basica de l’aragonés.
Las chornadas continarán lo mierques 9 d’abril con a prochección d'o cortometrache "Luz de septiembre" y charrada con a suya directora, Lola Gracia. Lo zaguer acto plegará lo chueves 10 d’abril con unatra prochección, la d'o documental-audiovisual "Ixigoleta y bordón" y charrada con a suya directora, Silvia Orós.
Ver esta publicación en Instagram
