"Que delito ye o furto d’un banco comparau con o feito de fundar-ne un?". Con istas parolas de l’anarquista de Cascant Lucio Urtubia encetemos o programa, acompanyaus ista vegada por dos convidaus complegaus de mundos esferents, como gosa dicir-se la uno d’a branca de sciencias y l’atro de letras, totz dos responsables de que l’aragones faiga tranya en o mundo d’as nuevas tecnolochias.
Nos fotiemos tot o programa charrando con ells d’o traductor y corrector d’aragones que han desembolicau, de ferramientas libres y d’as nuevas posibilidatz que s’ubren ta l’aragones con istas tecnolochias.
Mosicalment ascuitemos a os valencians Aspencat, que han quitau un nuevo treballo clamau Inèdit y que tos presentaremos mas enta debant. Nos despidiemos con una canta traducida de La Polla Records.
Baixa-te-ne u ascuita o nuestro zaguer programa: Programa 15-03-2012.
Fendo Orella Radio Topo 101.8 fm (Zaragoza) http://fendoorella.wordpress.com
