Tercera edición d’o SLAP! Festival en Zaragoza

Arredol | O verano se despide mosical en Zaragoza con a tercera edición d’o SLAP! Festival, que se celebrará en a ciudat d’o cierzo (que en primeras no pareixe estar-ie convidau) en o camping municipal os diyas 7, 8 y 9 de setiembre. Un fascal d’actividatz, jam sessions, procheccions de cine d’os 60 y 70, dj’s, mercadet, exhibicions, clases de baile… y conciertos o viernes y sabado con una buena selección de collas de mosica afroamericana (funk, R&B, soul, afrobeat, jazz, etc). I habrá bells scenarios mientres os 3 diyas. Amás d’a carpa de conciertos as nueitz d’o viernes y …

Sesión de dj Pendejo en la pasada edición del SLAP. Foto: SLAP Festival!
Sesión de dj Pendejo en la pasada edición del SLAP. Foto: SLAP Festival!

Arredol | O verano se despide mosical en Zaragoza con a tercera edición d’o SLAP! Festival, que se celebrará en a ciudat d’o cierzo (que en primeras no pareixe estar-ie convidau) en o camping municipal os diyas 7, 8 y 9 de setiembre. Un fascal d’actividatz, jam sessions, procheccions de cine d’os 60 y 70, dj’s, mercadet, exhibicions, clases de baile… y conciertos o viernes y sabado con una buena selección de collas de mosica afroamericana (funk, R&B, soul, afrobeat, jazz, etc).

I habrá bells scenarios mientres os 3 diyas. Amás d’a carpa de conciertos as nueitz d’o viernes y sabado dende as 21.00 horas, se cuenta con un chicot scenario chunto a la piscina a on i habrá mosica de dj’s de maitins y tardes, y a carpa de cine a on se prochectarán as peliculas.

O viernes prencipiará con blues, rock y R&B os conciertos de Slick Trio, The Clams, 7 Pulgadas All Star, Boney Fields y actuación posterior de Dj. Funkforward. O sabado de maitins y tardes i habrá cine, mercadet, clases de baile, jam session y audicions de dj’s ta continar de nueitz con mosica funk, jazz y reggae d’as collas The Bronson, Pyramid Blue, Irregular Roots, Shaolin Temple Defenders y a borina post-concierto con Dj Chelis & Ra Malone. O domingo se zarrará o festival con cine y dj’s de maitins.

L’abono d’o festival puede pillar-se con aloix en o camping (acampada u bungalow) u sin dormir astí. As dentradas sin fer-ie nueit son de 25€ anticipada t’os 3 diyas. Amás os ninos y ninas dica 14 anyos alcompanyaus podrán dentrar-ie de baldes y as personas esqueferadas tendrán una botifuera de 5€ presentando a tarcheta de l’ature. Mas información sobre as dentradas y o festival en a pachina web d’o mesmo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies