Lo Departamento de Medio Ambient y Turismo d'o Gubierno d'Aragón va a declarar ‘Árbol Singular d'Aragón’ a lo Caxico d’Escarrilla “pero con a denominación deformada ‘cajico’ en cuenta d'a chenuina en aragonés caxico”.
Per ixo, las entidaz socials Rolde O Caxico, Consello d’a Fabla Aragonesa y Rolde de Estudios Aragoneses han amprau una alegación aportando numerosa documentación y bibliografía con a cuala contrimuestran “que l'uso de caxico y caxicar ye lo chenuino en as comarcas d'Alto Galligo, Chacetania, Sobrarbe, Plana de Uesca, Somontano de Balbastro y Altas Cinco Villas”.
“La forma caxico, pa lo que en castellán se denomina roble, ye la propia d'as variedaz centrals y occidentals de l'aria de l'idioma aragonés en as cualas s'encuadra l'aragonés tensino propio d’Escarrilla, y asinas ye documentau en atras numerosas localidaz como Sallent de Galligo, Lanuza y Pandicosa, Borrés, Serrablo, Fuencalderas, Rodellar, Biel, Chasa, Echo, Ansó, Boleya, Lobarre, Torla, Bielsa, Banaguás, Baraguás, Bergosa, Novés, Rusto y Betés de Sobremont, Orós Baixo, Sobrepuerto, Botaya, Sarvisé, Arguis, Rodellar, Biel, Borrés, Labuerda, Chaca, Fanlo, Acumuer, Santolaria de Galligo, Cartirana, Espín, Candearenas, Arraso, Lardiés, Serué, etc.”, recuerdan as entidaz culturals.
“La resinya mas antiga en a zona ye de l'anyo 1484, d'a Carta de partición d'os limites de Biescas y Gavín, escrita per lo notario de Pandicosa, Miguel Guillén: ‘… e de alli assuso a la fonnata del Caxiquo e tirando todo drecho a las carrera d’Astes e carrera carrera fasta el barranquo de las Carrusquas...”, concluyen.
