Rojo Cancionero, a colla castellana, estará en Artieda en “Esfendemos a Tierra 2013”

Van por o suyo tercer disco, son Rojo Cancionero, y s’han proposau recuperar a canta protesta. Salvador Amor y Gabriel Ortega estarán en Artieda ta repasar as cantas d’o suyo zaguer disco ‘Somos Pueblo’. O disco ye un resumen d’a suya trayectoria y vivencias compartidas. Arrocla cantas emblematicas d’a epoca d’a canta protesta y cantas propias que resumen problematicas y situacions de hue. Beluns d’eixemplos d’ixo puede estar ‘Rumbo a la Asambleya’ que charra d’o movimiento asambleyario de Madrit, ‘mano a mano’ d’a necesidat d’aunar enerchías ta aconseguir un obchectivo común y ‘No cierres las puertas’ d’os detenius en a …

Rojo Cancionero en Pilars 2012. Foto: Tierra Barrenaus
Rojo Cancionero en Pilars 2012. Foto: Tierra Barrenaus

Van por o suyo tercer disco, son Rojo Cancionero, y s’han proposau recuperar a canta protesta. Salvador Amor y Gabriel Ortega estarán en Artieda ta repasar as cantas d’o suyo zaguer disco ‘Somos Pueblo’. O disco ye un resumen d’a suya trayectoria y vivencias compartidas. Arrocla cantas emblematicas d’a epoca d’a canta protesta y cantas propias que resumen problematicas y situacions de hue.

Beluns d’eixemplos d’ixo puede estar ‘Rumbo a la Asambleya’ que charra d’o movimiento asambleyario de Madrit, ‘mano a mano’ d’a necesidat d’aunar enerchías ta aconseguir un obchectivo común y ‘No cierres las puertas’ d’os detenius en a huelga cheneral d’o 29 de setiembre, como homenache a os detenius en una comisaría de Móstoles. Tamién i ha versions de Carlos Puebla, Horacio Guarany, Víctor Jara, Chicho Fernández Ferlosio, Rafael Amor, Pepe Ortega, asinas como de Mikel Laboa y Ovidi Montllor, realizadas en euskera y catalán.

Rojo Cancionero surtió fa tres anyos como homenache a o cantautor archentín Armando Tejada Gómez, un artista ta el que Salvador y Gabriel ye una referencia absoluta. Pues istos se crioron ascuitando cantas de Víctor Jara, Violeta Parra u Atahualpa Yupanqui, a el qual toman como a banda sonora d’a suya adolescencia, y istos provienen d’una familia artistica (o pai de Gabriel, Pepe Ortega, yera poeta y o de Salvador, Rafael Amor, ye músico y compositor).

...

Noticias relacionadas:

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies