Un nuevo curso d’aragonés ye amanau a empecipiar en l’Asociación Cultural Nogará, an que puedes descubrir-lo u amillorar o tuyo nivel, aprendendo a charrar, a leyer, a escribir, a pensar en aragonés.
Os cursos comencipiarán a semana dimpués d’os Pilars y rematarán en chunyo, con a siguient ufierta formativa: Modalidat presencial, con clases en a siede d’a plaza Asso de Zaragoza, u semipresencial, seguindo-las de vez por videoconferencia dende casa participando-ie como un alumno mas. 1º de maitins (mierques): de 10 a 13h.1º de tardes (lunes): de 17 a 20h. 1º de tardes (martes): de 18 a 21h. 2º de tardes (mierques): de 17 a 20h. 3º de tRDES (chueves): de 18 a 21h.
Modalidat online (1º y 2º curso), asincrona (sin clases ni horarios) fendo servir a plataforma Moodle, facilitando l’acceso a l’aprendizache a personas con dificultaz d’horario u residencia.
O pre son 90 euros por o curso completo, incluyindo os materials que s’emplegan en clase, que son adaptaus a la norma ortografica de l’aragonés aprebada por l’Academia Aragonesa d’a Lengua.
Y amás d’os cursos, se fa actividaz que te farán honra pa trobar chent con qui charrar y socializar, como as Chornadas d’as Luengas d’Aragón, a Devantadera, a cena de Nadal, a cena de Chueves Lardero. “Viene-te-ne ta Nogara a descubrir-lo!”.
Pa mas información, puedes consultar esta pachina web, escribir a este correu electrónico: amostranzanogara@gmail.com, gritar a este telefono 976 390 708, o escribir a este numero de WhatsApp 635 030 469.
Y si quiers matricular-te en bel curso, puedes fer-lo dende hue dica o 15 de noviembre en esta web.
