Dende Purna (a organización chovenil d’a cucha independentista) refirmamos a movilización cheneral popular d’o 12 de chenero de Bilbo (Euskal Herria) con o titol “Dreitos Humanos, Resolución, Paz”.
En dita manifestación se demandara o fin d’a dispersión, a libertat d’as presas y presos malaudos, derogación d’as midas excepcionals como a “doctrina Parot” y respeto total a os dreitos humanos en as garcholas.
Creyemos que ha plegau o tiempo d’a paz y d’escar solucions reyals ta solucionar iste conflicto politico, y que l’Estau espanyol y francés no han de desaproveitar istas oportunidatz.
Amas amas queremos amostrar a nuestra solidaridat, mas que mas, con a chovenalla independentista vasca que ha sufriu, y encara sufre a represión, y continan estando engarcholaus chovens por participar en organizacions politicas chovenils, como en zaguerias hemos podiu viyer con os cinco mesaches de Oarsoaldea u en Donostia.
A chovenalla independentista y revolucionaria participara en iste acto con varios militants de conchunta con a delegación aragonesa d’a cucha independentista, que d’ista traza refirmaran a libertat d’os presos y presas politicas vascas.
Euskal preso eta iheslariak etxera!
Purna | Para AraInfo
------------------------------------------------------------------------------------------------------------------------------------------
Noticias relacionadas:
