Purna refirma a manifestación d'o 15 d'aviento. Afoguemos a CHE!

Dende Purna, a Chovenalla Revolucionaria y Independentista, queremos amostrar a nuestra solidaridat y adherir-nos a la manifestación que se ferá o venient sabado 15 d'aviento en Zaragoza debant d'a politica faixista d'a Confederación Hidrografica de l'Ebro y en esfensa d'a dignidat d'a montanya. A CHE ye un organismo pre-democratico que leva decadas asesinando a o Pirineu y a os lugars que en ell viven. Chanovas, Mediano, Tiermas, Campo, están bells d'os nombres de tantos lugars pantasmas que as actuacions faixistas d'a CHE han orichinau. A politica hidraulica actual en l'Estau espanyol ye a mesma d'a dictadura y os decretos d'uns …

Dende Purna, a Chovenalla Revolucionaria y Independentista, queremos amostrar a nuestra solidaridat y adherir-nos a la manifestación que se ferá o venient sabado 15 d'aviento en Zaragoza debant d'a politica faixista d'a Confederación Hidrografica de l'Ebro y en esfensa d'a dignidat d'a montanya.

A CHE ye un organismo pre-democratico que leva decadas asesinando a o Pirineu y a os lugars que en ell viven. Chanovas, Mediano, Tiermas, Campo, están bells d'os nombres de tantos lugars pantasmas que as actuacions faixistas d'a CHE han orichinau. A politica hidraulica actual en l'Estau espanyol ye a mesma d'a dictadura y os decretos d'uns pocos gubernants que fablan d'un falso intrés cheneral se continan imposando por a fuerza.

Asinas quedó amostrau o pasau 10 d'octobre en Artieda, quan a Guardia Civil cargó de traza bestial y desproporcionada contra as personas que se manifestaban de traza pacifica debant d'a expropiación de tierras que asti se yera fendo y en esfensa d'a montanya. As chovens de Purna estiemos ixe diya en Artieda, y continaremos estando cada vegada que se cometan inchusticias con o nuestro territorio.

O recreiximiento de Yesa ye una obra faraonica que s'ha convertiu en un eixemplo d'o capitalismo furo que nos ha levau dica la crisi actual. O lugar d'Artieda siempre ha luitau con dignidat por esfender a suya tierra, que forma parti d'ellos, y por un modelo de vida que rispete as montanyas y os lugars que viven en ellas.

Pero a la policía no le valió con atochar a un lugar que se manifestaba de traza pacifica, soque antimás han imputau a ueito d'os astí presents; chent d'Artieda y companyeras de luita que han padeixiu as conseqüencias de l'arbitrario dido acusador de l'Estau espanyol.

Dende Purna esfendemos que a tierra perteneixe a os pueblos que la treballan y viven d'ella y que ye necesario apostar por unas nuevas politicas meyoambientalment sostenibles que respecten as montanyas y os rios.

Nos solidarizamos con todas as imputadas y reivindicamos a suya absolución, exichimos l'ature d'as expropiacions d'Artieda y que de una vez por todas se faiga chusticia con a nuestra montanya y con tantos lugars expropiaus por entivos.

Ni Biscarrués, Ni Yesa, Ni Mularroya! Por la Dignidat d'a Montanya!

Iste 15 d'aviento afoguemos a CHE!

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies