Comunicado | Purna.- A vaga de limpieza d’os hespitals publicos d’Aragón. O 20 de mayo d’iste anyo, as limpiadoras d’os centros de salut y hespitals en Aragón prencipiaron una vaga indefinida en esfensa d’os suyos dreitos laborals. A interpresa que tien adchudicau lo contrato quier fe-les treballar en unas condicions inaceptables que as treballaderas s’han negau ha aceptar. Ista situación ye producto d’a reforma laboral d’o 2012, que s’apreba en un marco de retalles socials que risponde a la lochica d’un sistema capitalista, d’un sistema que estructura a suya economía en base a l’esquimen -privau- sin tener en cuenta os intreses colectivos.
Debant d’ista situación as treballaderas d’iste colectivo deciden asambleyariament prencipiar una vaga indefinida como mida de presión t’a resolución d’o conflicto que ya leva mas d’un mes. En tot iste tiempo s’han sucediu diferents movilizacions, en as quals han estau golpeadas y detenidas.
A luita d’iste colectivo ye un eixemplo de dignidat y solidaridat. D’a nuestra man amostrar tot o nuestro refirme y convidar-tos a colaborar t’aduyar-les a ganar o pulso que son tenendo con a patronal, un pulso que traspasa lo concreto y ye sinyal d’os intreses d’os y as treballaderas en cheneral.
Una vaga indefinida suposa un desgaste economico important ta ellas y as suyas familias por ello queremos convidar-te iste viernes a colaborar d’ista forma.
Fiesta de refirme economico t'as treballaderas de limpieza de centros de salut y hespitals d’Aragón: 28 junio, 21.00 horas en A Flama Tabierna (carrera Mayor 53, Zaragoza).
