L'Asociación Cultural Nogará torna a aprestar buena cosa d’actividaz pa estos Pilars 2024, pa “fer visible la luenga y cultura popular aragonesa, y poder socializar-nos en aragonés”.
“Queremos que as actividaz en a carrera, mesa informativa y la nuestra seu faigan honra como punto de trobada, pa toda ixa chent en Zaragoza que se comunica en aragonés u quiere fer-lo”, explican.
Nogará quiere que os Pilars “no tornen a oblidar a luenga historica de Zaragoza, y nian l’encerrinamiento d’o suyo Concello por eliminar-la, ni l’equipo d’o Gubierno d’Aragón por obviar la suya existencia, siga sincusa pa tornar a fer uns Pilars con folk y en aragonés, plenos de cultura popular aragonesa”.
O puesto trigau ye a Plaza Asso, en a puerta d'a seu de Nogará, en o barrio d’a Madalena. Un puesto pa venir con a familia, con ninos y ninas, amigos, chovens u mayors.
🎆 Hemos aprestau buena cosa d'actividaz, actos y musica en #aragonés
✅ Pa vivir con nusatros/as estos Pilars'24 d'una traza especial, ✅ poder socializar-nos en la nuestra luenga y ✅ vivir unas fiestas plenas de cultura popular. 🗣
📍Tos asperamos en a Pza Asso de Zaragoza! pic.twitter.com/aPTboOfB36— Nogara Religada (@AC_Nogara) September 30, 2024
La programación de Nogará prencipia lo mierques 9, 18h Plaza Asso, con o Pasavilla con Gaiters (Firme Sucarrada) y comparsa de cabezudos Tierra d’Aragón en os arredols d’a la suya seu y d’o barrio d’a Madalena. Acto reivindicativo y festivo por unos Pilars con folk y por a cultura popular.
Lo chueves 10, 21h Plaza Asso, organizan a Trobada de Chiflo y Salterio. Pasabilla por as principals carreras d’o Casco Viello y Madalena, "pa amostrar-nos os sonius, ritmos y dances d’este tradicional instrumento aragonés".
Los actos de Nogará continarán lo domingo 13, 12h Plaza Asso, con Chuegos Tradicionals con as explicacions y demostración de l’asociación Barraires. Acto ludico-instructivo con o que os ninos y ninas y grans podrán meter en practica a suya achilidat con os chuegos tradicionals aragoneses, y aprender encara mas. Esti anyo contarán amás con un útil taller de “Hoyetes”.
Todas estas actividaz serán acompanyadas d’una mesa con información sobre os cursos de Nogará, as zagueras novedaz editorials y la suya actividat como asociación. Prou que todas ixas actividaz podrán estar acompanyadas de bell gotet y bell mueso en o branquil d’a suya seu en a Plaza Asso.
Más sobre los Pilars 2024 aquí.
