La Orquestina del Fabirol presienta o suyo nueno treballo. Un prochecto pleno de conteniu en o qual le meten banda sonora, ni mas ni menos, que a la "Vida de Pedro Saputo", ixe compendio de sabiduría popular que o escritor aragonés Braulio Foz publicó en 1844.
“Somos francament ilusionados, treballando como nunca ta ofrir-tos un disco fresco, con materials ineditos y cargau de mosica y importants colaboracions. Y, seguindo a nuestra linia, con muitisma información adhibida y a vocación d'aportar substancia a la cultura d'o país que, dencima, la presentamos en un formato muit orichinal, una memoria usb de madera con forma de salterio aragonés u chicotén, si lo prefieres”, contan istes artistas.
Pedro Saputo s’apasía per Sobrarbe
Pedro Saputo ye de peteneras per Sobrarbe perque la programazión Zambra d’agüerro 2014 de la Comarca de Sobrarbe el presenta en 3 chornadas:
O 30 de noviembre, en Broto, ‘Pedro Saputo, la suite’: La Orquestina del Fabirol de plen. Un conzierto teatralizau a cargo de 6 mosicos-actors. Mosica, agudeza, esmo, vida,…, a caramuello.
O 6 de abiento en Abizanda, y o 26 de abiento en A Buerba, ‘Bienvenida la agudeza’: la charradeta mosicada que describe el presonache y las suyas falorias.
