Mundo

Palestina entrega a la ONU a documentación que cal ta sumar-se a tretze convenios y tractaus internacionals

ARREDOL | Palestina entregó iste miercols a la ONU a documentación que cal ta sumar-se a tretze convencions y tractaus internacionals. L’embaxador de Palestina, Riyad Mansour, estió l’encargau de entregar as tretze cartas a la chefa de Gabinete de Nacions Unidas, Susana Malcorra. O coordinador especial d’a ONU t’o proceso de Paz en Meyo Orient,...
| 5 abril, 2014 19.04

palestina 2014-04-03_convenios-internacionales2ARREDOL | Palestina entregó iste miercols a la ONU a documentación que cal ta sumar-se a tretze convencions y tractaus internacionals. L’embaxador de Palestina, Riyad Mansour, estió l’encargau de entregar as tretze cartas a la chefa de Gabinete de Nacions Unidas, Susana Malcorra.

O coordinador especial d’a ONU t’o proceso de Paz en Meyo Orient, Robert Serry, habría recibiu os documentos, informó lo portavoz d’a ONU, Farhan Haq. O portavz explicó que l’organismo mundial revisará las cartas ta considerar as midas que calgan.

Os tractaus que Palestina deseya de sumar-se-ie incluyen as Convencions de Viena sobre Relacions Diplomaticas y Consulars, y as Convencions sobre os Dreitos d’o Nino, sobre a eliminación d’a Discriminación d’a Muller y sobre a Tortura, entre atras.

Haq adhibió que Palestina tamién presentó documentación a los representants diplomaticos debant d’o suyo gubierno de Suiza y Holanda ta demandar sumar-se a las Convencions de Chinevra de 1949 y de La Haya sobre usos y costumbres de guerra.

O portavoz subrayó que en sinyar as cartas, o president de l’Autoridat Palestina, Mahmoud Abbas, enfatizó que a suya intención ye de continar as negociacions de paz con Israel prencipiadas en chulio de l’anyada pasada, baixo auspicios d’a ONU.

“Asperamos que se troben as trazas de continar entabant con as negociacions aintro d’o plazo de nueu mese fixau que rematará o 29 d’abril. A meta contina estando plegar en unas bases ta negociar un alcuerdo de paz amplo sobre l’estatuto final”, apuntó Haq.

5 abril, 2014

Autor/Autora


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR