La sala Lo Atelier de Alquézar aculle dende lo pasau 3 de chinero la exposición “Paisaches de lana”, una muestra colectiva que reune los treballos d'as artistas Teresa Abad y Katerina Buil. La exposición s'enmarca dentro d'a programación d'a IV Trobada d’Aragonés, organizada per Bomboloniar, que se celebrará los días 9, 10 y 11 de chinero y que se consolida como un d'as trobadas de referencia en a defensa y promoción d'a luenga aragonesa.
“Paisaches de lana” integra la exposición fotografica “Pastorear lo fuego”, de Katerina Buil, una serie d'imáchens que mete lo foco en a relación entre la ganadería extensiva y la prevención d'incendios forestals. Este treballo formó parte previament d'una propuesta cultural empentada per AVIVA, lo Concello d'o Pueyo de Aragüas y la Deputación de Uesca, que incluyió visitas guiadas a lo territorio afectau per l'incendio ocurriu en o Pueyo de Aragüas en 2024.
La muestra se completa con as obras de Teresa Abad, centradas en a lana como elemento artistico y simbolico. A traviés d'o suyo treballo, l'artista reivindica un material en desuso, resaltando la suya valor cultural y la suya belleza, y estableix un paralelismo entre la situación d'a lana y la d'as luengas minorizadas, como l'aragonés, totas dos menazadas per la perda d'uso y la falta de reconoixencia.
Las actividaz vinculadas a la exposición tendrán un papel destacau en a chornada d'o sabado 10 de chinero. A las 9:30 horas tendrá puesto la clausura d'a exposición “Charrar ta no callar”, de Cristina Raso, centrada tamién en a luenga aragonesa, y a las 10:00 horas se presentará oficialment “Paisaches de lana”. Entre l'acto podrán adquirir-se obras d'as autoras, que han anunciau que destinarán integrament los beneficios a Medicos d'o Mundo Gaza.
Lo maitín continará con la charra “Inzendios forestals, paisache y territorio”, a cargo de Raúl Vicente, tecnico forestal d'a BRIF de Daroca, una intervención que complementa lo conteniu d'a exposición dende la ideya que “Cosirar a Tierra ye cosirar a Bida”, cudiar la tierra ye cudiar la vida.
La IV Trobada d’Aragonés proseguirá con actividaz entre tot lo sabado en Alquézar y lo domingo en Bierge, y concluyirá con una minchada popular en Alquézar. La programación completa d'o cabo de semana puede consultar-se en a web de Bomboloniar.
Ver esta publicación en Instagram
