O sindicato OSTA senyala que “un anyo mas, os aragoneses y aragonesas hemos reivindicau lo 23 d’abril un Aragón mas chusto y solidario a pesar que l’achenda estatal y recentralizadora sigue marcando o camín d’un Gobierno d’Aragón, que dimpués de mas de dos meses sigue en funcions, acaba d’anunciar un pacto de gobierno PP-Vox”.
“Dimpués d’o adelanto electoral y analizar o pacto de gobierno, se vislumbra mas poder ta la ultradreita en Aragón y que as suyas exichencias marquen l’achenda y as politicas d’o proximo Gobierno d’Aragón”, aseguran, y anyaden que, en iste contexto “an OSTA sigue creixendo como alternativa sindical aragonesa, superando os 900 representants sindicales repartius por tot lo País, dende o sindicato exichimos mas soberanía y que sigamos os y as aragonesas qui decidamos o nuestro futuro y que iste no venga imposau dende Madrit”.
La Vía Aragonesa
“Tenemos propuestas y alternativas ta l’Aragón que sonyamos y ta ixo tenemos o que denominamos Vía Aragonesa, porque creyemos firmament que, en Aragón, tenemos a capacidat y os recursos necesarios ta vivir millor, siempre que s’implementen politicas chustas y equitativas que beneficien a tota a población”, recalcan.
La Vía Aragonesa “no nomás busca correchir as desigualdades estructurals presents en a nuestra sociedat, sino tamién promover un desarollo sostenible y inclusivo que respete tanto a las personas como a o meyo ambient. Incluye dende impulsar una Hacienda Foral aragonesa, tal y como estableix o nuestro Estatuto d’Autonomía, a devolución d’a deuda historica, a creyación d’una banca publica aragonesa u una empresa publica dedicada a o desarrollo y chestión d’infraestructuras tecnolochicas y enercheticas ta poder abordar quantos d’istos problemas”, detallan.
Tamién proponen medidas “en materia enerchetica, que pasarían por crear una Empresa Publica Aragonesa d’Enerchía, que permitiría chestionar directament as centrales hidroelectricas existents y desarrollar nuevas infraestructuras renovables baixo control publico. A implementación d’una Tarifa Electrica Aragonesa que elimine o peache de transporte y ofrezca descuentos minimos d’o 10% a os residents en o nuestro país, entre atras propuestas”.
En materia de vivienda, proponen a creyación “d’una nueva Lei d’Alquiler Aragonesa que expanda o parque publico dica representar o 30% d’o total. A expansión d’o parque publico, antis de construyir nuevas viviendas, priorizará a recuperación de viviendas ya existents, con unos pres inferiors y regulaus a os existents en o mercado y a fixación de pres maximos y achustes responsables, con a creyación d’un indice oficial de pres d’alquiler por metro quadrato diferenciau por municipio y achustau a os niveles de renda”.
En materia laboral proponen “a transferencia d’as competencias estatals en materia laboral, incluyendo un SMI propio. Un marco de relacions laborals propio, an s’incluya a prevalencia d’os convenios autonomicos y provincials frent a os estatals. A modificación d’a Lei d’Aperturas y Festivos Comercials ta eliminar as aperturas en domingos y festivos y dotar de mas medios economicos y de personal a l’Instituto de Seguridat y Salut Laboral d’Aragón (ISSLA) ta que se convierta en un organo efectivo que vele por a seguranza y salut d’os y as treballadors ta frenar a sangría de muertes en o treballo”.
“Os y as aragonesas debemos despertar y convertir o 23 d’abril en un día de reivindicación, ye necesario unir esfuerzos entre totz y totas. Como en atros grans momentos d’a nuestra historia, va siendo hora de que os aragoneses y as aragonesas recuperemos a nuestra capacidat de movilización, porque en ixo nos va o futuro”, reiteran.
Valoración de l’acuerdo de gobierno PP-Vox
Dende OSTA “sindicato de clase, aragonesista y comprometiu con a chusticia social”, rechazan “frontalment l’acuerdo de gobierno firmau por o Partido Popular y Vox ta formar una nueva DChA, puesto que iste pacto no representa o cambio que necesita o nuestro Pueblo, sino a consolidación d’un modelo neoliberal, excluyent y contrario a os intereses d’a clase treballadora aragonesa”.
Frent a ista deriva, se reafirmán en La Vía Aragonesa. “En Aragón podemos vivir millor, o nuestro prochecto ye basau en a soberanía popular, o reparto d’a riqueza y a dignidat de qui construyen iste país con o suyo treballo diario”.
“L’acuerdo de gobierno subscritu entre o Partido Popular y Vox en Aragón representa, luen d’estar un prochecto de progreso, un retroceso sistematico en materia de dreitos socials, cohesión territorial y chusticia laboral. Por ixo, denunciamos iste pacto por subordinar l’interés cheneral d’as clases populars a as elites economicas y a una achenda identitaria excluyent, ignorando as necesidatz reals d’a ciudadanía y debilitando o texiu social que sustenta o nuestro País”, aseguran.
En primerias, denuncian “a clamada ‘desregulación’, que no ye mas que un eufemismo ta desmantelar as garantias socials, laborals y ambientals que protechen a ciudadanía, a o tiempo que s’instrumentaliza o racismo institucional como ferramienta de chestión politica. D’o mesmo modo, a imposición d’o principio de ‘prioridat nacional’ ta l’acceso a aduyas publicas, a exichencia d’empadronamientos historicos dica diez anyos y a exclusión automatica de personas en situación irregular, no son medidas d’ordenamiento, sino politicas de segregación que vulneran dreitos fundamentals, estigmatizan a colectivos vulnerables y fracturan a cohesión social que historicamente ha definiu Aragón”.
En cuanto a materia fiscal, senyalan que “o pacto presenta a creyación d’una arquitectura fiscal que se sustenta en rebaxas progresivas d’o IRPF y bonificacions d’o 99 % en o Impuesto de Sucesions que beneficiarán desproporcionadament a las rendas medias-altas y grans patrimonios en Aragón, lo que beneficia a uns pocos”.
“A supresión de l’Instituto Aragonés d’o Catalán y a prohibición inmediata d’o Programa de Luenga Árabe y Cultura Marroquí (PLACM), atenta contra o patrimonio lingüistico, a convivencia intercultural y a riqueza historica de territorios como a Francha, imponendo una visión homocheneizadora y aliena a o pluralismo real d’Aragón”, enfatizan.
En l’ambito educativo y sanitario, dende OSTA destacan que “o pacto combina retalladas encubiertas con adoctrinamiento ideolochico y recentralización. A exichencia d’una preba d’acceso universitaria unica ta tot o Estau espanyol arrebata competencias que Aragón debe preservar, mientres que a imposición transversal d’una ‘perspectiva de familia’ richida en todas as normas excluye a diversidat real d’os hogares aragoneses y condiciona politicas publicas a una moral estatal. Asinas mesmo, encara que s’anuncia un aumento presupuestario en sanidat, a paralela auditoría y eliminación de ‘subvencions superfluas’, a minimización d’a cooperación a o desarollo y a condición de chustificación previa ta cualsiquier aduya publica demuestran que a prioridat ye l’austeridat selectiva y a mercantilización d’o social, no o fortalecimiento d’os servicios publicos universals”.
En definitiva, OSTA asegura que “iste acuerdo de gobierno no construye un Aragón soberano, chusto y cohesionado, sino que lo subordina a una acenda neoliberal, identitaria y excluyent que fractura o contrato social y debilita a voz d’os treballadors”.
Por tot ixo, dende “o sindicalismo y o compromiso con un aragonesismo social y progresista, exichimos o rechazo frontal d’iste pacto y clamamos a la movilización ciudadana, a la defensa inquebrantable d’os servicios publicos, y a la construcción d’un modelo economico y territorial que ponga a las personas, a sostenibilidat, a diversidat cultural y os dreitos laborals en o centro”.
Pa rematar, OSTA fa un clamamiento a os movimientos socials y a las fuerzas politicas “comprometidas con a chusticia social, ta que s’adhieran a la construcción de La Vía Aragonesa, un prochecto colectivo que demuestra que en Aragón podemos vivir millor, pero nomás si ponemos a las personas por debant d’os beneficios, a o treballo digno por debant d’a precariedat, y a soberanía popular por debant d’a imposición d’o capital y d’o Estau central. Perque o momento d’actuar ye agora, y perque o futuro d’Aragón lo decidimos entre totz y totas”, concluyen.
